You Are Here: Home » داڭلىق كىشىلەر » NASA دىن دوكتۇر ئەركىن سىدىق ئەپەندىگە يەنە بىر كەسپى مۇكاپات

NASA دىن دوكتۇر ئەركىن سىدىق ئەپەندىگە يەنە بىر كەسپى مۇكاپات

يوللىغۇچى: ۋاقتى: ئاپرېل 11, 2013 ئورنى: داڭلىق كىشىلەر

يوللىغۇچى:  يوللانغان ۋاقتى: 2010- يىل 25- ئىيۇن ئورنى: يېڭىلىقلار | ئىنكاس : 29

بۈگۈن ئامىرىكا ئالەم قاتناش ئىدارىسى (NASA)  ئۇيغۇر ڧىزىكا ئالىمى، ئۇيغۇر ئاكادېمىيسى پەخىرى رەئىسى دوكتۇر ئەركىن سىدىق ئەپەندىگە يەنە بىر قېتىم ئونىڭ NASA تەتقىقات خىزمىتىگە كۆرسەتكەن تۆھپىسىنى تەقدىرلەپ، ئالاھىدە تەقدىرلەش ئېلىپ بارماقچى. ئۇيغۇر مىللىتىنىڭ  ئىپتىخارى بولغان سۆيۈملۈك ئۇيغۇر ڧىزىكا ئالىممىز دوكتۇر ئەركىن سىدىق ئەپەندىمنى ۋەتەن ئىچى – سىرتىدىكى ئۇيغۇر تەتقىقاتچى ۋە ئوقۇغۇچى زىيالىلار نامىدىن قىزغىن تەبرىكلەيمىز. ئۇلۇغ ياراتقۇچى ئاللاھ دوكتۇر ئەركىن سىدىققا ئوخشاش ئۇيغۇر ئالىملىرى ۋە تەتقىقاتچىلارنىڭ تېخىمۇ كۆپ يىتىشىپ چىقىپ ئۇيغۇر مىللىتى ئۈچۈن شان – شەرەپ ئېلىپ كىلىشىگە، بۇلۇپمۇ ئۇيغۇرلارنىڭ پەن – تەتقىقات ۋە مائارىپ ئىشلىرىنى تەرەققىي قىلدۇرۇش ئۈچۈن پۈتۈن ئۇيغۇر تەتقىقاتچى، مۇتەخەسىس ۋە ئوقۇغۇچى زىيالىلىرىمىز بىرلىكتە ھەمكارلىشىپ ئىشلىشىمىزگە ئىمكانلار بىرىپ، ئۇيغۇر مىللىتىنىڭ تېخىمۇ كۈچلۈك بۇلىشىغا مەدەت بەرگۈسى!

ئۇيغۇر خەلقى ئۇيغۇر ئالىممىز دوكتۇر ئەركىن سىدىقنىڭ ئۆز كەسپى ھاياتىدا قولغا كەلتۈرگەن غەلبىسىدىن بىر پۈتۈن مىللەت سۈپىتىدە ئىپتىخارلىق ھىس قىلىدۇ. ئۇيغۇرنىڭ ئەقىللىقلىقى ۋە قۇدرەتلىك مىللەت بۇلالايدىغانلىقى مانا مۇشۇنداق تەرەپلەردىن ئىسپاتلىنىۋاتىدۇ.

– ئۇيغۇر ئاكادېمىيسى.

داۋامىنى ئوقۇش ئۈچۈن بۇ ئۇچۇرنىڭ تىمسىىنى چىكىڭ!

 

تۆۋەندە NASA نىڭ تەبرىك خېتى:

 

ئىنگلىزچە تەبرىك خېتىنىڭ ئۇيغۇرچە تەرجىمىسى تۆۋەندىكىدەك:

سۆيۈملۇك دوكتۇر ئەركىن سىدىق،

مەن ناسا كەشپىيات ۋە تۆھپە كومتىتىنىڭ رەئىسىگە ۋاكالىتەن، 46582-نومۇرلۇق يېڭى تېخنولوگىيە دوكلاتى ئۇچۇن، سىزگە ناسا يېڭى تېخنولوگىيە مۇكاپىتى بېرىلگەنلىكىنى خوشاللىق بىلەن ئۇختۇرىمەن. بۇ مۇكاپات سىزنىڭ ئامىرىكا دۆلىتىنىڭ ئالەم بوشلۇقى پروگراممىسى بىلەن ج پ ل (JPL) نىڭ خىزمىتى ئۇچۇن قوشقان ئالاھىدە تۆھپىڭىز ئۇچۇن بىر ىلدى. بىز مۇشۇ مۇكاپات ئارقىلىق ئىتىراپ قىلىنغان ئالاھىدە مۇۋەپپىقىيىتىڭىز ئۈچۈن سىزنى قىزغىن تەبرىكلەيمىز.

رەھمەت،

ناسا ئالەم بوشلۇقى ئىشلىرى مۇكاپات ئىشخانىسىدىن،
Dr. Christopher H. Jaggers
2010-6-15

ئۇيغۇر ئاكادېمىيسى پەخىرى رەئىسى دوكتۇر ئەركىن سىدىق ئەپەندىنىڭ بۇ بىر ئايلىق كەسپى پائالىيەتلىرى تەپسىلاتى تۆۋەندىكىچە:

دوكتۇر ئەركىن سىدىق ئەپەندى 6-ئاينىڭ 13-كۈنىدىن 18-كۈنىگىچە ئامىرىكىنىڭ ۋىيومىڭ شىتاتىدا ئېچىلغان، ئامىرىكا ئوپتىكا جەمئىيىتى بىلەن خەلقئارالىق ئوپتىكا ئىنجىنىرلىرى جەمئىيىتى تەرىپىدىن ئورۇنلاشتۇرغان بىر ئىلمىي تەتقىقات يىغىنىغا قاتنىشىپ، ئۆزى قىلغان ئوپتىكا تېخنولوگىيىسى ساھەسىدىكى بىر يېڭىلىق توغرىسىدا ئىلمىي دوكلات بەردى.

Teqdirname1[1]بۇ 6-ئاينىڭ 24-كۈنى JPL دوكتۇر ئەركىن سىدىق ئەپەندىگە بەرگەن يەنە بىر تەقدىرنامە

دوكتۇر ئەركىن سىدىق ئەپەندى 6-ئاينىڭ 27-كۇنىدىن 7-ئاينىڭ 3-كۇنىگىچە، كالىفورنىيە سان دىئاگو شەھىرىدە ئوتكۇزۇلىدىغان، خەلقئارا ئوپتىكا ئىنجىنىرلىرى جەمئىيىتى تەرىپىدىن ئورۇنلاشتۇرۇلغان يەنە بىر ئىلمىي تەتقىقات يىغىنىغا قاتنىشىپ، تاشقى پلانىتلارنى ئىزدەشكە ئىشلىتىدىغان تېلىسكوپقا ئائىت قىلغان يېڭى بىر ئىش توغرىسىدا بىر ئىلمىي دوكلات بەرمەكچى.

 مەنبە: ئۇيغۇر ئاكادېمىيىسى كونا توربېتى
——————————-
بۇ تىمىغا كونا توربەتتە چۈشكەن ئىنكاسلار:

ئىنكاسلار (29)

Share

Copyright 2024 AKADEMIYE.ORG

Scroll to top