ھۆرمەتنىڭ قىممىتى ۋە ھېكمىتى

ھەسەنجان ئابدۇلئەھەد

ﻛﯜﻧﺪﯨﻠﯩﻚ ﺗﯘرﻣﯘﺷﯩﻤﯩﺰدا، ﺳﻮرۇن – ﻳﯩﻐﯩﻠﯩﺸلاردا داﺋﯩﻢ دﯦﮕﯜدەك ﭼﻮﯕلارﻧﯩﯔ، ﺋﺎﻟﯩﻢ – ﺋﯚﻟﯩﻤﺎلارﻧﯩﯔ ﻳﺎﻛﻰ ﺑﺎﺷﻘﺎ ﺑﯩﺮاۋلارﻧﯩﯔ ﺋﺎﻏﺰﯨﺪﯨﻦ «ﻛﯩﺸﯩﻠﯩﻚ ﺳﺎﭘﺎ»، «ﻛﯩﺸﯩﻠﯩﻚ ﻗﻪدﯨﺮ – ﻗﯩﻤﻤﻪت ۋە ﺋﯚزﺋﺎرا ﺋﯩﺰزەت- ﮬﯚرﻣﻪت» ﮬﻪﻗﻘﯩﺪە ﺋﯧﻴﺘﯩﻠﻐﺎن ﺑﺎﻳﺎﻧلارﻧﻰ، ﺷﯘﻧﯩﯖﺪەك ﺋﯘﻟﯘغ ﮬﻪم ﭘﺎﺳﺎﮬﻪﺗﻠﯩﻚ ﮬﯧﻜﻤﻪت – دۇرداﻧﯩﻠﻪرﻧﻰ ﺋﺎﯕلاپ ﺗﯘرﯨﻤﯩﺰ. ﻣﻪﺗﺒﯘﺋﺎت، ﺗﺎرﻗﯩﺘﯩﺶ ۋاﺳﯩﺘﯩﻠﯩﺮﯨﻤﯩﺰﻣﯘ ﺑﯘ ﮬﻪﻗﺘﻪ ﻧﯘرﻏﯘن ﺋﻪﮬﻤﯩﻴﻪﺗﻠﯩﻚ، ﭘﺎﻳﺪﯨﻠﯩﻨﯩﺶ ﻗﯩﻤﻤﯩﺘﯩﮕﻪ ﺋﯩﮕﻪ ﻣﺎﻗﺎﻟﻪ- ﺋﻪﺳﻪرﻟﻪرﻧﻰ ﺋﯧلان ﻗﯩﻠﯩﭗ، ﻣﯩﻠﻠﯩﺘﯩﻤﯩﺰ ﻛﯩﺸﯩﻠﯩﺮﯨﻨﯩﯔ روﮬﯩﻴﯩﺘﻰ، ﺳﯚز – ﮬﻪرﯨﻜﯩﺘﯩﮕﻪ ﻣﯘﻧﺎﺳﯩﭗ ﮬﺎﻟﺪا دﯨﺌﺎﮔﻨــﻮز ﻗﻮﻳﯘپ، ﺧﯩﺴﻠﻪﺗﻠﻪرﮔﻪ ﺋﯩﻠﮭﺎم ﺑﯧﺮﯨﭗ، ﺋﯩﻠﻠﻪﺗﻠﻪرﻧﻰ ﺳﯚﻛﯜپ، ﺋﻪل – ﺋﺎۋاﻣﻨﻰ ﺗﻮﻏﺮا ﻳﻮﻟﻐﺎ ﻳﯧﺘﻪﻛﻠﻪپ ﻛﯧﻠﯩﯟاﺗﯩﺪۇ. ﺑﯘ، ﮬﻪرﻗﺎﻧﺪاق ﻛﯩﺸﯩﻨﯩﯔ ﺋﯚﺳﯜپ ﻳﯧﺘﯩﻠﯩﺸﯩﺪە، ﮬﻪرﻗﺎﻧﺪاق ﺑﯩﺮ ﻣﯩﻠﻠﻪﺗﻨﯩﯔ ﺗﻪرەﻗﻘﯩﻲ ﻗﯩﻠﯩﭗ ﻣﯘﻛﻪﻣﻤﻪﻟﻠﯩﺸﯩﺸﯩﺪە ﻛﻪم ﺑﻮﻟﺴﺎ ﺑﻮﻟﻤﺎﻳﺪﯨﻐﺎن ﻣﯘﮬﯩﻢ ﺋﯩﺶ. ۋەﮬﺎﻟﻪﻧﻜﻰ، ﺷﯘﻧﭽﯩﻠﯩﻚ دۇرداﻧﻪ ﮬﯧﻜﻤﻪﺗﻠﻪر، ﻗﺎﻳﯩﻞ ﻗﯩلارﻟﯩﻖ ۋە ﺗﻪﺳﯩﺮﻟﯩﻚ ۋەز – ﻧﻪﺳﯩﮭﻪﺗﻠﻪر ﺋﺎﻳﺮﯨﻢ ﻛﯩﺸﯩﻠﻪرﮔﻪ ﻗﯩﻠﭽﻪ ﺗﻪﺳﯩﺮ ﻛﯚرﺳﯩﺘﻪﻟﻤﻪي ﻛﯧﻠﯩﯟاﺗﯩﺪۇ. ﺑﯘﻧﯩﯖﺪﯨﻦ ﺑﺎﺷﻘﺎ، ﮬﻪرﻗﺎﻧﺪاق ﻛﯩﺸﯩﻨﯩﯔ ﺋﯚزﯨﺪﯨﻦ ﺑﺎﺷﻘﺎ ﻛﯩﺸﯩﻠﻪردﯨﻦ ﺋﺎﻏﺮﯨﻨﯩﺶ، ﻧﺎرازى ﺑﻮﻟﯘش ﭘﯘرﺳﯩﺘﻰ ﻛﯚپ ﺑﻮﻟﯘپ ﻛﯧﻠﯩﯟاﺗﯩﺪۇ. ﺑﯘ زادى ﻗﺎﻧﺪاق ﺋﯩﺶ؟
ﻛﯩﺸﯩﻠﯩﻚ ﻗﻪدﯨﺮ- ﻗﯩﻤﻤﻪت ﻳﺎﻛﻰ ﺋﻪﻗﻪﻟﻠﯩﻲ «ﺳﺎﭘﺎ»ﻧﻰ ﺷﻪﻛﯩﻠﻠﻪﻧﺪۈرﮔﯜﭼﻰ ﻣﯘﮬﯩﻢ ﺗﻪرﻛﯩﺒﻠﻪرﻧﯩﯔ ﺑﯩﺮى، ﺑﺎﺷﻘﯩلارﻧﻰ ﮬﯚرﻣﻪﺗﻠﻪش ﮬﯧﺴﺴﯩﻴﺎﺗﻰ ﻳﺎﻛﻰ ﺋﻪﻣﻪﻟﯩﻴﯩﺘﯩﺪﯨﻦ ﺋﯩﺒﺎرەت. ﻣﯧﻨﯩﯖﭽﻪ، ﺑﯩﺰ ﻛﯜﻧﺪﯨﻠﯩﻚ ﺗﯘرﻣﯘﺷﺘﺎ، ﻛﯩﺸﯩﻠﯩﻚ ﻣﯘﻧﺎﺳﯩﯟەﺗﻠﻪردە، ﺧﯩﺰﻣﻪت، ﺋﯚﮔﯩﻨﯩﺶ ۋەﻳﺎﻛﻰ ﺋﺎﻟﻠﯩﻘﺎﻧﺪاق ﺋﯩﺸلاردا «ﺑﺎﺷﻘﯩلارﻧﻰ ﮬﯚرﻣﻪﺗﻠﻪش»ﺗﯩﻦ ﺋﯩﺒﺎرەت ﺑﯘ ﻣﯘﮬﯩﻢ ﻣﻪﺳﯩﻠﯩﮕﻪ ﺳﻪل ﻗﺎراپ ﻛﻪﻟﮕﻪن ﺑﻮﻟﯘﺷﯩﻤﯩﺰ ﻣﯘﻣﻜﯩﻦ. ﭼﯜﻧﻜﻰ، ﮬﯚرﻣﻪﺗﻠﯩﻨﯩﺶ ۋە ﮬﯚرﻣﻪﺗﻠﻪش __ ﮬﻪرﺑﯩﺮ ﻧﻮرﻣﺎل ﺋﯩﻨﺴﺎﻧﺪا ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﺋﺎڭ، ﻣﯘﻗﻪددەس ﮬﻮﻗﯘق ۋە ﻣﻪﺟﺒﯘرﯨﻴﻪت، ﺑﯘ ﻳﻪردە ﺑﯩﺰ ﺗﯩﻠﻐﺎ ﺋﯧﻠﯩﯟاﺗﻘﺎن «ﻛﯩﺸﯩﻠﯩﻚ ﺳﺎﭘﺎ»ﻧﯩﯔ ﻣﯘﮬﯩﻢ ﺑﯚﻟﯩﻜﻰ. «ﺋﺎدەﻣﻠﻪرﻧﯩﯔ ﮬﻪﻣﻤﯩﺴﯩﺪە ﻣﯘﺋﻪﻳﻴﻪن دەرﯨﺠﯩﺪە ﮬﯚرﻣﻪﺗﻠﯩﻨﯩﺶ، ﻗﻪدﯨﺮﻟﯩﻨﯩﺶ ﺋﯩﺴﺘﯩﻜﻰ ﺑﻮﻟﯩﺪۇ. ﺑﯘﻧﯩﯖﺪﯨﻦ ﻗﻪدﯨﺮ – ﻗﯩﻤﻤﻪت ﺗﻪﻣﻪﺳﯩﻨﻰ ﭼﯩﻘﯩﺮﯨﯟەﺗﻜﻪﻧﺪە، ﮬﻪرﺑﯩﺮ ﺋﺎدەﻣﻨﯩﯔ ﺑﯘ ﺋﯩﺴﺘﯩﻜﯩﻨﻰ ﮬﻪﻗﻠﯩﻖ ۋە ﻗﺎﻧﯘﻧﯩﻴﻪﺗﻜﻪ ﺋﯘﻳﻐﯘن، دەپ ﻗﺎراﺷﻘﺎ ﺑﻮﻟﯩﺪۇ. ﺋﯩﻨﺴﺎﻧلاردﯨﻜﻰ ﺑﯘ ﺧﯩﻞ ﺋﯩﻨﺘﯩﻠﯩﺸﻨﻰ ﺋﯩﻨﻜﺎر ﻗﯩﻠﯩﺶ ﺋﻪڭ ﭼﻮڭ ﺳﻪﻣﯩﻤﯩﻴﻪﺗﺴﯩﺰﻟﯩﻚ. ﭼﯜﻧﻜﻰ، ﻗﻪدﯨﺮ – ﻗﯩﻤﻤﻪت ﺋﺎدەﻣﻠﻪرﻧﯩﯔ ﺑﯘ دۇﻧﻴﺎدا ﺋﯧﺮﯨﺸﯩﺸﻜﻪ ﺗﯧﮕﯩﺸﻠﯩﻚ ﺑﻪﮬﺮﯨﻤﻪﻧﻠﯩﻚ ﮬﻪﻗﻘﯩﻨﯩﯔ ﻣﯘﮬﯩﻢ ﺳﺎﻟﻤﯩﻘﯩﻨﻰ ﺋﯩﮕﯩﻠﻪﻳﺪۇ… ﺋﺎدەﻣﻠﻪردﯨﻜﻰ ﻣﯘﺷﯘﻧﺪاق ﻧﺎزۇك ﭘﺴﯩﺨﯩﻜﯩﻠﯩﻖ ﺗﯘﻳﻐﯘﻧﯩﯔ ﺗﯜرﺗﻜﯩﺴﻰ ﺑﯩﻠﻪن، دۇﻧﻴﺎدﯨﻜﻰ ﺋﺎﺟﺎﻳﯩﭗ ﻗﻪﮬﺮﯨﻤﺎﻧﻠﯩﻖ، ﻗﯘرﺑﺎن ﺑﯧﺮﯨﺶ، ﻣﯘﻛﺎﭘﺎﺗﻠﯩﻨﯩﺶ، ﻗﻪﺑﺮە ﻗﺎﺗﯘرۇش… ﻗﺎﺗﺎرﻟﯩﻘلار دەل ﻛﯩﺸﯩﻠﻪرﻧﯩﯔ ﻳﯘﻗﯩﺮﯨﻘﻰ ﺑﻪﮬﺮﯨﻤﻪﻧﻠﯩﻚ ﺗﻪﻟﯩﭙﯩﮕﻪ ﺑﯧﺮﯨﻠﮕﻪن ﺟﺎۋاب» («ﻳﺎﺷﺎش ﻣﻪﻧﺘﯩﻘﯩﺴﻰ»دﯨﻦ.) ﺷﯘﯕلاﺷﻘﺎ، ﺑﯩﻠﯩﻤﻰ ﮬﻪرﻗﺎﻧﭽﻪ ﻳﯘﻗﯩﺮى، ﺋﯩﻠﻤﯩﻲ ﺋﯘﻧﯟاﻧﻠﯩﺮى ﮬﻪﻣﻤﯩﺪﯨﻦ ﺋﯜﺳﺘﯜن، ﺋﻪﻣﻪل – ﻣﻪﻧﺴﯩﭙﻰ ﺋﺎﺳﻤﺎﻧﻐﺎ ﺗﺎﻗﺎﺷﻘﺎن ﻛﯩﺸﻰ ﺑﻮﻟﺴﯩﻤﯘ، ﻳﺎﻛﻰ ﭘﯘل-ﻣﯧﻠﻰ ﺋﯧﺸﯩﭗ – ﺗﯧﺸﯩﭗ ﺗﯘرﻏﺎن ﻛﯩﺸﻰ ﺑﻮﻟﺴﯩﻤﯘ، ﺋﻪﮔﻪر ﺋﯘﻧﯩﯖﺪا ﺑﺎﺷﻘﯩلارﻧﻰ ﺋﯚزى ﺑﯩﻠﻪن ﺗﻪڭ ﺋﻮرۇﻧﺪا ﻛﯚرۈپ ﮬﯚرﻣﻪﺗﻠﻪﻳﺪﯨﻐﺎن ﺗﻮﻧﯘش، ﺗﻮﻏﺮا، ﮬﻪﻗﻘﺎﻧﯩﻲ، ﺳﻪﻣﯩﻤﯩﻲ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎن ﺋﯩﻨﺴﺎﻧﯩﻲ ﭘﻪزﯨﻠﻪت ﺑﻮﻟﻤﺎﻳﺪﯨﻜﻪن، ﺋﯘﻧﺪاق ﺋﯩﻨﺴﺎن ﺋﯘﻟﯘغ ﺑﻮﻟﯘﺷﻘﺎ ﻣﯘﻧﺎﺳﯩﭗ ﺋﻪﻣﻪس؛ ﻣﯘﻧﺪاﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪا، ﺋﯘ ﻛﺎﺳﺘﯘم- ﺑﯘرۇﻟﻜﺎ ﺑﯩﻠﻪن ﻳﺎﻛﻰ ﻛﺎﺗﺘﺎ ﺋﺎﻳﯟان- ﺳﺎراي ﺑﯩﻠﻪن ۋەﻳﺎﻛﻰ ﮬﯧﺴﺎﺑﺴﯩﺰ ﭘﯘل – ﻣﺎل ﺑﯩﻠﻪن ﻧﯩﻘﺎﺑلاﻧﻐﺎن ﺳﺎﺧﺘﺎ ﺳﺎﭘﺎﻟﯩﻖ، ﺋﺎﺗﺎﻟﻤﯩﺶ داﯕﻠﯩﻖ ﺷﻪﺧﺴﺘﯘر. ﭼﻪت ﺋﻪﻟﻠﻪردﯨﻦ ﻛﻪﻟﮕﻪن ﻣﯘﻧﺪاق ﺑﯩﺮ ﮬﯧﻜﺎﻳﻪ ﺑﺎر:

ﺋﯘﺗﯘق ﻗﺎزاﻧﻐﺎن ﺑﯩﺮ داﯕﻠﯩﻖ ﺳﻮدﯨﮕﻪر ﺑﻮﻟﯘپ، ﻛﻮﭼﯩﺪا ﻛﯩﻴﯩﻢ-ﻛﯧﭽﻪﻛﻠﯩﺮى ﺟﯘل – ﺟﯘل ﺑﻮﻟﯘپ ﻛﻪﺗﻜﻪن ﺑﯩﺮ ﻗﻪﻟﻪم ﺳﺎﺗﻘﯘﭼﯩﻨﻰ ﻛﯚرۈپ، ﺋﯩﭽﻰ ﺋﺎﻏﺮﯨﭗ ﻗﺎﭘﺘﯘ. ﮬﯧﭻ ﺋﻮﻳلاﻧﻤﺎﺳﺘﯩﻨلا، ﻳﯧﻨﯩﺪﯨﻦ ﺋﻮن دوﻟلار ﭘﯘﻟﻨﻰ ﭼﯩﻘﯩﺮﯨﭗ، ﻗﻪﻟﻪم ﺳﺎﺗﻘﯘﭼﯩﻨﯩﯔ ﻗﻮﻟﯩﻐﺎ ﺗﯘﺗﻘﯘزۇﭘلا ﺋﺎرﻗﯩﺴﯩﻐﺎ ﺑﯘرۇﻟﯘپ ﻣﯧﯖﯩﭙﺘﯘ. ﺑﯩﺮ ﻗﺎﻧﭽﻪ ﻗﻪدەم ﻣﺎﯕﺎ – ﻣﺎﯕﻤﺎﻳلا، ﺋﯚزﯨﻨﯩﯔ ﺑﯘ ﺋﯩﺸﯩﻨﯩﯔ ﺗﺎزا ﺟﺎﻳﯩﺪا ﺑﻮﻟﻤﯩﻐﺎﻧﻠﯩﻘﯩﻨﻰ ﮬﯧﺲ ﻗﯩﻠﯩﭗ، دەرﮬﺎل ﻗﺎﻳﺘﯩﭗ ﻛﯧﻠﯩﭗ ﻗﻪﻟﻪم ﺳﺎﺗﻘﯘﭼﯩﺪﯨﻦ ﻛﻪﭼﯜرۈپ ﺳﻮرﯨﻐﺎن ﻗﯩﻴﺎﭘﻪﺗﺘﻪ، «ﭘﯘﻟﻨﻰ ﺑﯧﺮﯨﭗ ﻗﻪﻟﻪم ﺋﯧﻠﯩﺸﻨﻰ ﺋﯘﻧﺘﯘپ ﻗﺎﻟﻐﺎﻧﻠﯩﻘﻰ»ﻧﻰ ﭼﯜﺷﻪﻧﺪۈرۈﭘﺘﯘ. ﺋﺎﻳﺮﯨﻠﯩﺶ ﺋﺎﻟﺪﯨﺪا، ﻗﻪﻟﻪم ﺳﺎﺗﻘﯘﭼﯩﻐﺎ ﺋﯘ: «ﻛﯚﯕﻠﯩﯖﯩﺰﮔﻪ ﺋﺎﻟﻤﺎڭ، ﺋﻪﭘﻪﻧﺪى. ﻣﻪﻧﻤﯘ ﺳﯩﺰﮔﻪ ﺋﻮﺧﺸﺎش ﺳﻮدﯨﮕﻪر ﺋﻪﻣﻪﺳﻤﯘ؟» دەﭘﺘﯘ. ﺑﯩﺮ ﻳﯩﻠﺪﯨﻦ ﻛﯧﻴﯩﻦ، ﺳﻮدا ﻣﺎﮬﯩﺮﻟﯩﺮى ﺗﻮﭘلاﺷﻘﺎن ﮬﻪﺷﻪﻣﻪﺗﻠﯩﻚ ﺳﻮدا ﻳﻪرﻣﻪﻧﻜﯩﺴﯩﺪە، ﻳﻪرﻣﻪﻧﻜﯩﮕﻪ ﻛﻪﻟﮕﻪن ﺳﻮدﯨﮕﻪر ۋە ﺧﯧﺮﯨﺪارلارﻏﺎ ﺋﯚزﯨﻨﯩﯔ ﻣﺎﻟﻠﯩﺮﯨﻨﻰ ﻛﯚرﺳﯩﺘﯩﯟاﺗﻘﺎن ﺳﺎلاﭘﻪﺗﻠﯩﻚ ﺑﯩﺮ ﻛﯩﺸﻰ ﺑﯘ داﯕﻠﯩﻖ ﺳﻮدﯨﮕﻪرﻧﯩﯔ ﺋﺎﻟﺪﯨﻐﺎ ﻛﯧﻠﯩﭗ، ﺧﯘﺷﺎﻟﻠﯩﻖ ﺑﯩﻠﻪن ﺋﯚزﯨﻨﻰ ﺗﻮﻧﯘﺷﺘﯘرۇﺷﻘﺎ ﺑﺎﺷلاﭘﺘﯘ: «ﺳﯩﺰ ﺑﻪﻟﻜﯩﻢ ﻣﯧﻨﻰ ﺋﯘﻧﺘﯘپ ﻛﻪﺗﺘﯩﯖﯩﺰ، ﻣﻪﻧﻤﯘ ﺳﯩﺰﻧﯩﯔ ﻧﺎم – ﺷﻪرﯨﭙﯩﯖﯩﺰﻧﻰ ﺑﯩﻠﻤﻪﻳﻤﻪن، ﻟﯧﻜﯩﻦ ﺳﯩﺰ ﻣﺎﯕﺎ ﺋﯚز ﺋﯩﺰزەت – ﮬﯚرﻣﯩﺘﯩﻤﻨﻰ ۋە ﺋﯩﺸﻪﻧﭽﯩﻤﻨﻰ ﻗﺎﻳﺘﯩﺪﯨﻦ ﺑﻪرﮔﻪن ﻛﯩﺸﻰ. دوﻗﻤﯘﺷﺘﺎ ﻏﯧﺮﯨﺒﺴﯩﻨﯩﭗ ﺋﻮﻟﺘﯘرۇپ، ﻣﻪن ﺳﯩﺰﻧﯩﯔ >ﻣﻪﻧﻤﯘ ﺳﯩﺰﮔﻪ ﺋﻮﺧﺸﺎش ﺳﻮدﯨﮕﻪر ﺋﻪﻣﻪﺳﻤﯘ؟< دﯦﮕﻪن ﺳﯚزﯨﯖﯩﺰﻧﻰ ﺋﺎﯕﻠﯩﻐﺎﻧﻐﺎ ﻗﻪدەر، ﺋﯚزۈﻣﻨﻰ ﺑﯩﺮ >ﺋﺎدەﺗﺘﯩﻜﻰ ﻗﻪﻟﻪﻣﭙﯘرۇش< ﮬﯧﺴﺎﺑلاپ ﻛﻪﻟﮕﻪن ﺋﯩﺪﯨﻢ…»

دەل ﻣﯘﺷﯘ «ﺳﻮدﯨﮕﻪر» دﯦﮕﻪن ﺑﯩﺮ ﺋﯧﻐﯩﺰ ﺋﺎددﯨﻲ ﺳﯚز، ﭼﯜﺷﻜﯜﻧﻠﯩﺸﯩﭗ ﺋﯚزﯨﻨﻰ ﻳﻮﻗﺎﺗﻘﺎن ﺑﯩﺮ ﺋﯩﻨﺴﺎﻧﻐﺎ ﻗﺎﻳﺘﯩﺪﯨﻦ ﻏﯘرۇر ﺋﺎﺗﺎ ﻗﯩﻠﯩﭗ، ﺋﯧﻐﯩﺮ ﻗﯩﻴﯩﻨﭽﯩﻠﯩﻖ ﺋﯩﭽﯩﺪﯨﻦ ﺋﯚز ﺋﯩﺸﻪﻧﭽﯩﻨﻰ ﺗﯧﭙﯩﺸﻘﺎ ﻳﺎردەم ﻗﯩﻠﻐﺎن. ﺋﯩﻨﺴﺎﻧﯩﻲ ﻏﯘرۇر ۋە ﺋﯚزﯨﮕﻪ ﺋﯩﺸﯩﻨﯩﺶ ﺗﯘﻳﻐﯘﺳﻰ ﺋﻮﻳﻐﺎﻧﻐﺎﻧﻠﯩﻘﻰ ﺋﯜﭼﯜن، دوﻗﻤﯘﺷﺘﺎ ﺋﻮﻟﺘﯘرۇپ ﺟﺎن ﺑﺎﻗﯩﺪﯨﻐﺎن ﻗﻪﻟﻪﻣﭙﯘرۇش ﺋﯚزﯨﻨﯩﯔ ﻗﯩﻤﻤﯩﺘﯩﻨﻰ ۋە ﺋﺎرﺗﯘﻗﭽﯩﻠﯩﻘﯩﻨﻰ ﻗﺎﻳﺘﯩﺪﯨﻦ ﺗﻮﻧﯘپ ﻳﻪﺗﻜﻪن؛ ﺋﯩﺰدﯨﻨﯩﺶ، ﺟﺎﭘﺎﻟﯩﻖ ﺗﯩﺮﯨﺸﯩﺶ ﺋﺎرﻗﯩﻠﯩﻖ ﻣﯘۋەﭘﭙﻪﻗﯩﻴﻪت ﻗﺎزﯨﻨﯩﭗ، ﭼﻮڭ ﺳﻮدﯨﮕﻪرﮔﻪ ﺋﺎﻳلاﻧﻐﺎن… ﺋﻪﮔﻪر ﺑﯩﺮ ﻳﯩﻞ ﺑﯘرۇﻧﻘﻰ ﮬﯚرﻣﻪت ﺑﯩﻠﻪن ﺋﯧﻴﺘﯩﻠﻐﺎن ﺷﯘ ﺑﯩﺮ ﺋﯧﻐﯩﺰ ﺳﻪﻣﯩﻤﯩﻲ ﺋﯩﻠﮭﺎم ﺑﻮﻟﻤﯩﻐﺎن ﺑﻮﻟﺴﺎ، ﻧﻪﭼﭽﻪ ﻣﯩﯔ ﺗﯩﻠلا ﭘﯘل ﺑﻪرﮔﻪن ﺑﻮﻟﺴﯩﻤﯘ، ﺋﯚزﯨﻨﻰ ﻧﺎﻣﺮات ﻗﻪﻟﻪﻧﺪەر دەپ ﺗﻮﻧﯘپ ﻳﯜرﮔﻪن ﺋﺎدەم ﻗﺎﻧﺪاﻗﻤﯘ ﺑﯜﮔﯜﻧﻜﯩﺪەك ﻏﺎﻳﻪت زور ﺋﯚزﮔﯩﺮﯨﺸﻨﯩﯔ ﺷﺎﮬﯩﺪى ﺑﻮلاﻟﯩﺴﯘن؟ ﻣﺎﻧﺎ ﺑﯘ ﮬﯚرﻣﻪﺗﻨﯩﯔ ﻛﯜﭼﻰ!

ﻣﻪﻟﯘﻣﻜﻰ، ﮬﯚرﻣﻪت − ﺑﯩﺮ ﺧﯩﻞ ﻛﯩﺸﯩﻠﯩﻚ ﺳﺎﭘﺎ، ﺑﯩﺮ ﺧﯩﻞ ﺋﯩﻨﺴﺎﻧﯩﻲ ﺋﯧﺴﯩﻞ ﺧﯩﺴﻠﻪت، ﺑﺎﺷﻘﯩلار ﺋﺎﻟﺪﯨﺪا ﺋﯚزﯨﻨﻰ ﭼﻮﯕﻤﯘ ﺗﯘﺗﻤﺎي، ﺑﺎﺷﻘﯩلارﻧﻰ ﭘﻪس ﻛﯚرﻣﻪي ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎن ﺋﯩﻨﺴﺎﻧﯩﻲ ﺑﺎراۋەرﻟﯩﻚ، ﺷﯘﻧﺪاﻗلا ﺑﺎﺷﻘﯩلارﻧﯩﯔ ﻛﯩﺸﻠﯩﻚ ﻗﻪدﯨﺮ- ﻗﯩﻤﻤﯩﺘﯩﻨﻰ ﺗﻮﻟﯘق ﻣﯘﺋﻪﻳﻴﻪﻧﻠﻪﺷﺘﯜرۈش. ﺑﯘ ﮬﻪﻗﺘﻪ ﭘﯩﺮ – ﻛﺎﻣﯩﻠلارﻧﯩﯔ ﮬﯧﻜﻤﻪﺗﻠﯩﺮﯨﻨﻰ ﻧﻪﻗﯩﻞ ﻗﯩﻠﯩﺶ ﻣﯘﻣﻜﯩﻦ. ﮔﯩﻴﻮﺗﻰ ﻣﯘﻧﺪاق دەﻳﺪۇ: « ﺋﯚزۈﯕﻨﻰ ﺋﯚز ﻗﺎﺑﯩﻠﯩﻴﯩﺘﯩﯖﺪﯨﻦ ﺋﯜﺳﺘﯜن ﻗﻮﻳﯘﺷﯘﯕﻤﯘ، ﺋﯚزۈﯕﻨﻰ ﻛﻪﻣﺴﯩﺘﯩﺸﯩﯖﻤﯘ ﺗﻮﻏﺮا ﺋﻪﻣﻪس»؛ ب ﮔﺮاﺳﯩﺌﻪن ﻣﯘﻧﺪاق دەﻳﺪۇ: « ﺋﯚزۈﯕﻨﻰ ﮬﯚرﻣﻪت ﻗﯩﻠﯩﺸﻨﻰ ﺋﺎرزۇ ﻗﯩﻠﺴﺎڭ، ﺋﯚزﮔﯩﻨﻰ ﮬﯚرﻣﻪت ﻗﯩﻞ»؛ ﺋﺎرﺳﺘﻮﺗﯧﻞ ﺷﯘﻧﺪاق دەﻳﺪۇ: « ﺋﯩﺰزەت ﺗﯩﻠﯩﺴﻪڭ، ﺋﯩﭙﭙﻪﺗﻠﯩﻚ ﺑﻮل؛ ﺋﯘﻟﯘﻏﻠﯘق ﺗﯩﻠﯩﺴﻪڭ، ﻣﯘلاﻳﯩﻢ ﺑﻮل؛ زەﭘﻪر ﺗﯩﻠﯩﺴﻪڭ، ﺋﺎداﻟﻪت ﻳﻮﻟﯩﻨﻰ ﺗﯘت؛ ﻗﻪدﯨﺮ ﺗﯩﻠﯩﺴﻪڭ، راﺳﺘﭽﯩﻞ ﺑﻮل؛ ﻧﯩﺠﺎدﻟﯩﻖ ﺗﯩﻠﯩﺴﻪڭ، ﺳﻪۋرﻟﯩﻚ ﺑﻮل؛ ﺋﯩﻠﯩﻢ ﺋﯚﮔﻪﻧﻤﻪك ﺑﻮﻟﺴﺎڭ، ﺗﯩﺮﯨﺶ ۋە ﺗﯩﺮﻣﺎش». ﺑﯘ ﻳﻪردﯨﻜﻰ «ﺑﺎﺷﻘﯩلار» ﺋﯚزﯨﻤﯩﺰدﯨﻦ ﺑﺎﺷﻘﺎ ﻛﯩﺸﯩﻠﻪر− ﻗﯧﺮﯨﻨﺪاﺷلار، ﺗﻮﻧﯘش، ﻧﺎﺗﻮﻧﯘﺷلار، ﻛﻪﺳﯩﭙﺪاش ﻳﺎﻛﻰ ﺑﺎﺷﻘﺎ ﻛﻪﺳﯩﭙﺘﯩﻜﯩﻠﻪر، ﮬﻪﺗﺘﺎ ﺑﺎﺷﻘﺎ ﻣﯩﻠﻠﻪت ﻛﯩﺸﯩﻠﯩﺮى، ﺑﺎﺷﻘﺎ ﺋﻪل ﻛﯩﺸﯩﻠﯩﺮى ﻗﺎﺗﺎرﻟﯩﻖ ﻛﯚپ ﺗﻪرەﭘﻠﻪرﻧﻰ ﺋﯚز ﺋﯩﭽﯩﮕﻪ ﺋﺎﻟﯩﺪۇ، ﺋﻪﻟﯟەﺗﺘﻪ. ﻣﯘﺷﯘلارﻧﯩﯔ ﮬﻪﻣﻤﯩﺴﯩﺪە، ﺑﺎﺷﻘﯩلارﻧﯩﯔ ﺋﯩﺰزەت ﻧﻪﭘﺴﯩﻨﻰ ﺳﺎﻗﻠﯩﺸﯩﻐﺎ ﮬﯚرﻣﻪت ﻗﯩﻠﯩﺶ، ﺋﯚرپ- ﺋﺎدﯨﺘﻰ، ﺗﯩﻠﻰ، ﺋﯧﺘﯩﻘﺎدى ۋە ﻳﺎﻛﻰ ﺑﺎﺷﻘﺎ ﺗﺎﻟلاﺷﻠﯩﺮﯨﻐﺎ ﮬﯚرﻣﻪت ﻗﯩﻠﯩﺶ… ﻗﺎﺗﺎرﻟﯩﻘلار دەل ﻣﯘﺷﯘ ﮬﯚرﻣﻪﺗﻨﯩﯔ ﻣﻪزﻣﯘﻧﻠﯩﺮﯨﺪۇر.
ﺋﺎدەﺗﺘﻪ، دۇﻧﻴﺎدا ﻛﺎﻣﺎﻟﻪﺗﻜﻪ ﻳﻪﺗﻜﻪن- ﻧﯘﻗﺴﺎﻧﺴﯩﺰ ﮬﯧﭽﻘﺎﻧﺪاق ﺑﯩﺮ ﻛﯩﺸﻰ ﺑﻮﻟﻤﺎﻳﺪۇ. ﻧﻮرﻣﺎل ﺗﯘرﻣﯘﺷﺘﺎ، ﺑﯩﺰﻧﯩﯔ ﺑﺎﺷﻘﯩلارﻏﺎ ﺋﯘﻟﯘغ زاﺗلاردەك ﻧﻪزەر ﺑﯩﻠﻪن ﻣﯘﺋﺎﻣﯩﻠﻪ ﻗﯩﻠﯩﺸﻘﺎ ﮬﯧﭽﻘﺎﻧﺪاق ﺋﺎﺳﺎﺳﯩﻤﯩﺰ ۋە ﺑﺎﮬﺎﻧﯩﻤﯩﺰ ﻳﻮق، ﺷﯘﻧﺪاﻗلا ﺑﺎﺷﻘﯩلارﻧﻰ ﻣﺎزاق ﻗﯩﻠﯩﺶ، ﭘﻪس ﻛﯚرۈش ﺳﺎلاﮬﯩﻴﯩﺘﯩﻤﯩﺰﻣﯘ ﻳﻮق. ﭼﯜﻧﻜﻰ، ﮬﻪرﻗﺎﻧﺪاق ﺋﺎدەم ﻳﺎراﺗﻘﯘﭼﻰ ﺋﺎﻟﺪﯨﺪا ﺋﺎددﯨﻲ ﺑﻪﻧﺪە، ﻗﺎﻧﯘن ﺋﺎﻟﺪﯨﺪا ﺑﺎراۋەر ﭘﯘﻗﺮا. ﺷﯘﻧﺪاق ﺋﯩﻜﻪن، ﺋﻪﺗﺮاﭘﯩﯖﯩﺰدﯨﻜﻰ ﻛﯩﺸﯩﻠﻪرﻧﯩﯔ ﺑﻪزى ﺗﻪرەﭘﻠﯩﺮى ﺳﯩﺰﮔﻪ ﻳﻪﺗﻤﯩﺴﻪ، ﺳﯩﺰ ﮬﺎﻛﺎۋۇرﻟﯘق ۋە ﮬﯚرﻣﻪﺗﺴﯩﺰﻟﯩﻜﯩﯖﯩﺰ ﺑﯩﻠﻪن ﺑﺎﺷﻘﯩلارﻧﯩﯔ ﻏﻮرۇرﯨﻨﻰ دەﭘﺴﻪﻧﺪە ﻗﯩﻠﻤﺎڭ؛ ﺑﺎﺷﻘﯩلارﻧﯩﯔ ﺑﻪزى ﺗﻪرەﭘﻠﯩﺮى ﺳﯩﺰدﯨﻦ ﺋﯜﺳﺘﯜن ﺑﻮﻟﺴﺎ، ﺳﯩﺰ ﺋﯚزﯨﯖﯩﺰﻧﻰ ﺗﯚۋەن ﭼﺎﻏلاپ، ﮬﻪﺳﻪﺗﺨﻮرﻟﯘق ﻗﯩﻠﯩﭗ ﮬﯚرﻣﻪﺗﻨﻰ ﺋﯘﻧﺘﯘپ ﻗﺎﻟﻤﺎڭ.

«ﮬﻪﻗﯩﻘﯩﻲ ﮬﯚرﻣﻪت»ﻧﻰ ﺑﯩﻠﯩﺪﯨﻐﺎن ﺑﯩﺮ ﻛﯩﺸﯩﺪە، ﺑﺎراۋەر ﺑﻮﻟﻐﺎن ﭘﻮزﯨﺘﺴﯩﻴﻪ، ﻧﯘرﻣﺎل ﭘﺴﯩﺨﯩﻜﯩﻠﯩﻖ ﻛﻪﻳﭙﯩﻴﺎت، ﺗﯘراﻗﻠﯩﻖ روﮬﻰ ﮬﺎﻟﻪت ﺑﻮﻟﯩﺪۇ. ﺋﻪﺗﺮاﭘﯩﺪﯨﻜﻰ ﺑﺎرﻟﯩﻖ ﻛﯩﺸﯩﻠﻪرﮔﻪ ﻳﻪﻧﻰ ﻛﻪﺳﯩﭙﺘﯩﻜﻰ ﻛﯜﭼﻠﯜﻛﻠﻪر ۋە ﺋﺎﺟﯩﺰلارﻏﺎ، ﺑﺎي ﻳﺎﻛﻰ ﻧﺎﻣﺮاﺗلارﻏﺎ، ﺑﻪﺧﺘﻠﯩﻚ ۋە ﺑﻪﺧﺘﺴﯩﺰﻟﯩﻜﻜﻪ، ﺋﻪر ﻳﺎﻛﻰ ﺋﺎﻳﺎﻟلارﻏﺎ ﺗﻮﻏﺮا، ﺋﻪﻗﻪﻟﻠﯩﻲ ﻣﯘﺋﺎﻣﻠﻪ ﻗﯩﻠﯩﺪۇ.
ﺑﯩﺰ ﺗﻪﻛﯩﺘﻠﻪۋاﺗﻘﺎن «ﮬﯚرﻣﻪت» ﮬﻪرﮔﯩﺰﻣﯘ ﻗﺎرﻏﯘلارﭼﻪ ﭼﻮﻗﯘﻧﯘش ﻳﺎﻛﻰ ﻣﺎﺧﺘﺎپ ﺋﯘﭼﯘرۇﺷﻤﯘ ﺋﻪﻣﻪس، ﺷﯘﻧﺪاﻗلا ﮬﯧﭽﻘﺎﻧﺪاق ﭘﺮﯨﻨﺴﯩﭙﻰ ﻳﻮق ﮬﻪددﯨﺪﯨﻦ زﯨﻴﺎدە ﻛﻪﻣﺘﻪرﻟﯩﻜﻤﯘ ﺋﻪﻣﻪس. ﻳﻪﻧﻪ ﺑﯩﺮ ﺟﻪﮬﻪﺗﺘﯩﻦ ﺋﺎﻟﻐﺎﻧﺪا، ﺑﺎﺷﻘﯩلارﻧﻰ ﮬﯚرﻣﻪت ﻗﯩﻠﯩﺸﻨﯩﯔ ﻣﯘﮬﯩﻤﻠﯩﻘﯩﻨﻰ ﺑﯩﻠﯩﯟاﻟﻐﺎﻧﻠﯩﻖ، ﮬﻪرﮔﯩﺰﻣﯘ ﺑﺎﺷﻘﯩلارﻧﻰ ﻗﺎﻧﺪاق ﮬﯚرﻣﻪت ﻗﯩﻠﯩﺸﻨﻰ ﺋﯚﮔﯩﻨﯩﯟاﻟﻐﺎﻧﻠﯩﻘﻘﺎ ﺗﻪڭ ﺋﻪﻣﻪس. ﺑﺎﺷﻘلارﻧﻰ ﮬﯚرﻣﻪت ﻗﯩﻠﯩﺶ ﻛﻪڭ داﺋﯩﺮﯨﺪﯨﻜﻰ ﺋﯩﻠﯩﻢ ﺑﻮﻟﯘپ، ﺑﺎﺷﻘﯩلارﻧﻰ ﮬﯚرﻣﻪﺗﻠﻪﺷﻨﻰ ﺋﯚﮔﯩﻨﯩﯟاﻟﻐﺎﻧﺪﯨلا، ﺋﺎﻧﺪﯨﻦ ﺋﯚزﯨﻨﻰ ﮬﯚرﻣﻪت ﻗﯩﻠﯩﺸﻨﻰ ﺋﯚﮔﯩﻨﯩﯟاﻟﻐﯩﻠﻰ ﺑﻮﻟﯩﺪۇ. ﺑﯘ ﺋﯩﻠﯩﻤﻨﯩﯔ ﻛﯩﺸﯩﻠﯩﻚ ﮬﺎﻳﺎﺗﺘﯩﻜﻰ ﺋﻪﮬﻤﯩﻴﯩﺘﻰ ﻧﺎﮬﺎﻳﺘﻰ ﭼﻮڭ ﺑﻮﻟﯩﺪۇ.

ﻣﯧﻨﯩﯔ ﺑﯩﺮ ﺗﻮﻟﯘق ﻛﯘرﺳﻨﻰ ﭘﯘﺗﺘﯘرﮔﻪن ﺳﺎۋاﻗﺪﯨﺸﯩﻢ ﺑﯩﺮ ﻧﺎزﯨﺮ دەرﯨﺠﯩﻠﯩﻚ ﻛﺎدﯨﺮﻧﯩﯔ ﺋﯩﺸﺨﺎﻧﯩﺴﯩﺪا ﻛﺎﺗﯩﭗ ﺑﻮﻟﯘپ ﺋﯩﺸﻠﯩﮕﻪن. ﺋﯘﻧﯩﯔ دﯦﻴﯩﺸﯩﭽﻪ، ﺑﯘ ﻛﺎدﯨﺮﻧﯩﯔ ﻧﯘرﻏﯘن ﺋﯧﺴﯩﻞ ﭘﻪزﯨﻠﻪﺗﻠﯩﺮى دوﺳﺘﯘﻣﻨﻰ ﻗﺎﻳﯩﻞ ﻗﯩﭙﺘﯘ. راﺳﺘﭽﯩﻠﻠﯩﻘﻰ، ﮬﻪﻗﯩﻘﺎﻧﯩﻴﻪت ﺗﯘﻳﻐﯘﺳﻰ، ﺧﯩﺰﻣﻪﺗﺘﯩﻜﻰ ﺋﻪﺳﺘﺎﻳﯩﺪﯨﻠﻠﯩﻘﻰ، ﺗﯘرﻣﯘﺷﺘﯩﻜﻰ ﺋﺎددﯨﻲ – ﺳﺎددﯨﻠﯩﻘﻰ، ﻛﻪڭ ﻗﻮرﺳﺎﻗﻠﯩﻘﻰ ﻗﺎﺗﺎرﻟﯩﻖ ﭘﻪزﯨﻠﻪﺗﻠﯩﺮى ﺋﯩﭽﯩﺪە، ﺑﺎﺷﻘﯩلارﻧﻰ ﮬﯚرﻣﻪت ﻗﯩﻠﯩﺪﯨﻐﺎن ﺑﯘ ﺋﯧﺴﯩﻞ ﺳﺎﭘﺎﺳﻰ دوﺳﺘﯘﻣﻨﯩﯔ ﻛﯩﺸﯩﻠﯩﻚ ﺗﯘرﻣﯘش ﻗﺎرﯨﺸﯩﻐﺎ ﭼﻮﯕﻘﯘر ﺗﻪﺳﯩﺮ ﻛﯚرﺳﯩﺘﯩﭙﺘﯘ. دوﺳﺘﯘم ﺷﯘ ﺋﯩﺪارﯨﺪا ﺋﯩﺸﻠﯩﮕﻪﻧﺪﯨﻦ ﺑﯧﺮى، ﮬﻪر ﻗﺎﻧﺪاق ﻛﯩﺸﯩﻨﻰ «ﺳﯩﺰ» دەپ ﺋﺎﺗﺎپ، ﺋﻮﭼﯘق ﭼﯩﺮاي ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎن ﺑﯘ ﺑﺎﺷﻠﯩﻘﻨﯩﯔ ﺋﺎﻏﺰﯨﺪﯨﻦ «ﺳﻪن» دﯦﮕﻪن ﺑﯩﺮ ﺋﯧﻐﯩﺰ ﮔﻪﭘﻨﯩﻤﯘ ﺋﺎﯕﻠﯩﻤﺎﭘﺘﯘ. روﮬﻰ ﺟﻪﮬﻪﺗﺘﯩﻜﻰ ﺑﯘﻧﺪاق ﺋﻮزۇق دوﺳﺘﯘﻣﻨﻰ ﺋﯚزﻛﻪﺳﭙﯩﮕﻪ ﺑﻮﻟﻐﺎن ﺋﯩﺸﺘﯩﻴﺎﻗﯩﻨﻰ ﺋﺎﺷﯘرۇپ، ﺑﯩﺮ ﺧﯩﻞ ﻳﺎﺧﺸﻰ ﻛﻪﻳﭙﯩﻴﺎت ﺋﯩﭽﯩﺪە ﻛﯚﯕﯜل ﺋﺎزادﯨﻠﯩﻜﻰ ﺑﯩﻠﻪن ﺧﯩﺰﻣﻪت ﻗﯩﻠﯩﺸﻘﺎ ﻧﺎﺋﯩﻞ ﻗﯩﭙﺘﯘ…

ﺑﯩﺰﻧﯩﯔ ﻧﯘرﻏﯘن زﯨﻴﺎﻟﯩﻴﻠﯩﺮﯨﻤﯩﺰ ﺑﺎر، ﭼﻮڭ – ﻛﯩﭽﯩﻚ ﺋﻮرۇﻧلاردا ﻣﻪﻧﺴﻪپ ﺗﯘﺗﻘﺎن ﻣﻪﻧﺴﻪﭘﺪارﻟﯩﺮﯨﻤﯩﺰ ﺑﺎر، ﺗﯜرﻟﯜك ﻳﻮل، ۋاﺳﯩﺘﯩﻠﻪر ﺑﯩﻠﻪن ﭘﯘل ﺗﺎﭘﻘﺎن ﺑﺎﻳﯟەﭼﭽﯩﻠﯩﺮﯨﻤﯩﺰ ﺑﺎر. ﺋﯘلارﻧﯩﯔ ﻣﯘﺗﻠﻪق ﻛﯚپ ﻗﯩﺴﻤﯩﺪﯨﻦ ﻛﯩﺸﯩﻨﯩﯔ دﯨﻠﻰ ﺳﯘ ﺋﯩﭽﯩﭗ، ﻛﯚﯕﻠﻰ ﺳﯚﻳﯜﻧﯩﺪۇ. ﺋﻪﻣﻤﺎ، ﺑﻪزﯨﻠﯩﺮى ﺋﯘﻧﺪاق ﺋﻪﻣﻪس: ﻛﺎﺳﺘﯘم – ﺑﯘرۇﻟﻜﯩﻨﻰ ﻗﺎﺗﯘرۇپ ﻛﯧﻴﯩﭗ، ﮔﺎﻟﯩﺴﺘﯘﻛﻨﻰ ﺗﺎﻗﺎپ، ﺋﺎﻳﯩﻐﯩﻨﻰ ﭘﺎرﻗﯩﺮﯨﺘﯩﭗ ﻳﯜرﯨﺪۇ ۋە دەﻣﺎﻟﻠﯩﻘﻘﺎ ﺷﯘﻧﺪاق ﺳﺎلاﭘﻪﺗﻠﯩﻚ، « ﺳﺎﭘﺎﻟﯩﻖ» ﻛﯚرۈﻧﯩﺪۇ، ﻟﯧﻜﯩﻦ ﺑﺎﺷﻘﯩلارﻏﺎ ﺳﯚز ﻗﯩﻠﻐﺎﻧﺪا، دەﺳﺘﯘر – ﻛﺎلاﻣلاردﯨﻦ ﻧﻪﻗﯩﻞ ﻛﻪﻟﺘﯜرﯨﺪۇ، ﺋﯚزﯨﻨﻰ ﭼﻮڭ ﺗﯘﺗﯘپ، ﻛﯚرەﯕﻠﻪپ ﺋﻪﺗﺮاﭘﯩﺪﯨﻜﯩﻠﻪرﮔﻪ ﻛﯩﺒﯩﺮ ﻛﯚرﺳﯩﺘﯩﺪۇ، ﮬﻪﺗﺘﺎ ﺋﯚزﯨﻨﯩﯔ دادﯨﺴﯩﺪەك، ﺋﺎﻧﯩﺴﯩﺪەك ﺋﺎدەﻣﻠﻪرﻧﯩﻤﯘ ﺳﻪﻧﻠﻪپ ﻛﯧﺘﯩﺪۇ. ﺑﻪزﯨﻠﯩﺮى ﺋﯧﻠﯩﻢ – ﺑﯧﺮﯨﻤﺪە ﻟﻪۋزﯨﺪە ﺗﯘرﻣﺎﻳﺪۇ، ﺋﻪﻗﻪﻟﻠﯩﻲ ۋاﻗﯩﺖ ﻗﺎرﯨﺸﻰ ﻳﯧﺘﯩﻠﺪۈرﻣﻪﻳﺪۇ، ﻧﻮرﻣﺎل ﺋﯩﺸلارﻏﺎ ﺳﺎﺧﺘﯩﻠﯩﻖ ﺋﯩﺸﻠﯩﺘﯩﺸﻨﻰ ﻗﻮﻟﺪﯨﻦ ﺑﻪرﻣﻪﻳﺪۇ؛ ﻛﯩﭽﯩﻜﻠﻪرﻧﻰ ﺋﯩﺰزەﺗﻠﻪش، ﭼﻮﯕلارﻧﻰ ﮬﯚرﻣﻪﺗﻠﻪﺷﻨﻰ ﺋﺎرﺗﯘﻗﭽﻪ ﺋﯩﺶ ﮬﯧﺴﺎﺑلاﻳﺪۇ. ﺳﻪﻣﯩﻤﯩﻲ ﺑﻮﻟﯘش، ﮬﻪﻗﻘﺎﻧﯩﻲ ﺑﻮﻟﯘش، ﻣﯧﮭﺮﯨﺒﺎن ﺑﻮﻟﯘﺷﻨﻰ ﺋﯧﺴﯩﺪﯨﻦ ﭼﯩﻘﯩﺮﯨﭗ ﻗﻮﻳﯩﺪۇ… ﺋﻮﻣﯘﻣﻪن ﺋﯚزﯨﻨﻰ ﻛﯚرﺳﯩﺘﯩﺸﻨﻰ، ﺋﯚزﯨﻨﻰ ﻣﻪرﻛﻪز ﻗﯩﻠﯩﺸﻨﻰ ﺋﻮﻳﻠﯩﯟﯦﻠﯩﭗ، ﺑﺎﺷﻘﯩلارﻧﻰ ﮬﯚرﻣﻪت ﻗﯩﻠﯩﺸﻨﻰ ﺑﯩﻠﻤﻪﻳﺪۇ. ﺋﺎﺳﺎﺳﯩﻲ ﻗﺎﺗلاﻣلاردﯨﻜﻰ ﺑﯩﺮﻗﯩﺴﯩﻢ ﺑﺎﺷﻘﯘرﻏﯘﭼﯩلار، ﺋﯩﺶ ﺑﯧﺠﯩﺮﮔﯜﭼﯩﻠﻪرﭼﯘ؟ ﻗﯩﺰﯨﻘﭽﯩلار ﺋﻮﻳلاپ ﺗﺎﭘﻘﺎن «ﮬﻮﺷﯘﻗﺘﯩﻦ دﯦﯔ دﯦﯔ ﻳﺎﻣﺎن، ﺳﺎﻗﭽﯩﺪﯨﻦ ﻣﯩﻨﺒﯩﯔ» دﯦﮕﻪن ﮔﻪپ ﺑﯩﻜﺎر ﺋﯧﻴﺘﯩﻠﻤﯩﺴﺎ ﻛﯧﺮەك. ﺑﯩﺮ ﻛﯜﻧﻰ ﻣﻪﻟﯘم ﺑﯩﺮ ﺋﯩﺶ ﺑﯩﻠﻪن X ﺑﺎﻧﻜﯩﺴﯩﻨﯩﯔ ﻣﻪرﻛﯩﺰﯨﻲ ﺷﻪﮬﻪردﯨﻜﻰ ﺑﯩﺮ ﺗﺎرﻣﺎق ﺑﺎﻧﻜﯩﺴﯩﻐﺎ ﻛﯩﺮﯨﭗ ﻗﺎﻟﺪﯨﻢ. ﺋﺎدەﺗﺘﯩﻜﯩﭽﻪ ﻛﯩﻴﯩﻨﮕﻪن، روﮬﯩﻲ ﮬﺎﻟﯩﺘﻰ ﺗﯚۋەن ﺑﯩﺮ ﻛﯩﺸﻰ ﺑﺎﻧﻜﯩﻨﯩﯔ ﻣﯘلازﯨﻤﻪت ﺋﯜﺳﺘﯩﻠﯩﺪە ﺋﻮﻟﺘﯘرۇپ ﺧﯩﺰﻣﻪت ﻗﯩﻠﯩﯟاﺗﻘﺎن ﺑﯩﺮ ﺋﺎﻣﺎﻧﻠﯩﻖ ﺳﺎﻗﻠﯩﻐﯘﭼﻰ( ﺑﺎۋ ﺋﻪن) دﯨﻦ ﺗﯚۋەﻧﭽﯩﻠﯩﻚ ﺑﯩﻠﻪن ﺑﯩﺮ ﻧﻪرﺳﯩﻠﻪرﻧﻰ ﺳﻮرﯨﻤﺎﻗﺘﺎ ﺋﯩﺪى، ﮬﯧﻠﯩﻘﻰ «ﺑﺎۋ ﺋﻪن» ﺷﯘﻧﺪاق ﻛﯚرەڭ ﺗﯘرۇﻗﺘﺎ ﮬﯧﻠﯩﻘﻰ ﺑﯩﭽﺎرە ﻛﯩﺸﯩﻨﻰ ﺳﻪﻧﻠﻪپ، ﺳﯩﻠﻜﯩﺸﻠﻪپ ﺑﯩﺮ ﻧﯧﻤﯩﻠﻪرﻧﻰ ﭼﯜﺷﻪﻧﺪۈرﻣﻪﻛﺘﻪ ﺋﯩﺪى. « ﮬﻪي، ﺳﺎﭘﺎ دﯦﮕﻪن ﻧﯚﻟﻜﻪﻧﻐﯘ ﺑﯘ ﺑﺎۋ ﺋﻪﻧﺪە !»دەپ ﻛﻪﺗﺘﯩﻢ. ﻗﯧﺘﯩﺮﻗﯩﻨﯩﭗ زاﻣﺎﻧﻐﺎ لاﻳﯩﻖ ﮬﯜﻧﻪر، ﺑﯩﻠﯩﻢ ﺋﯩﮕﯩﻠﻪش، ﻣﯩﻠﻠﯩﻲ ﺋﻪﻧﺌﻪﻧﻪ، ﻣﯩﻠﻠﯩﻲ ﻣﻪدەﻧﯩﻴﻪت، ﻣﯩﻠﻠﯩﻲ ﺋﻪﺧلاﻗﻘﺎ ۋارﯨﺴﻠﯩﻖ ﻗﯩﻠﯩﺶ ﺋﯘﻳﺎﻗﺘﺎ ﺗﯘرﺳﯘن، ﺋﻪﻗﻪﻟﻠﯩﻴﺴﻰ، ﺑﺎﺷﻘﯩلارﻧﯩﯔ ﻧﻮرﻣﺎل ﺋﯩﻨﺴﺎﻧﯩﻲ ﺋﯩﺰزەت – ﮬﯚرﻣﯩﺘﯩﻨﻰ، ﻗﻪدﯨﺮ – ﻗﯩﻤﻤﯩﺘﯩﻨﻰ ﻗﯩﻠﻤﺎي ﺗﯘرۇپ، ﻗﺎﭼﺎﻧﻤﯘ ﺳﺎﭘﺎﻟﯩﻖ ﺑﻮلارﻣﯩﺰ؟ ﻛﯧﻴﯩﻨﯩﺸﺘﻪ ﺋﯚزﯨﺪﯨﻦ ﺗﯚۋەﻧﺮەك ﺗﯘرﯨﺪﯨﻐﺎن، ﺑﯩﺮەر ﺋﯩﺸﺘﺎ ﺋﺎﻟﺪﯨﻐﺎ ﮬﺎﺟﻪﺗﻤﻪن ﺑﻮﻟﯘپ ﺑﺎرﻏﺎﻧلا ﺋﺎدەﻣﻨﻰ ﺳﻪﻧﻠﻪپ ﻛﯧﺘﯩﺸﻠﻪر…ﮬﻪي ي، ﺑﯘﻧﺪاق «ﺳﺎﭘﺎ» ﺗﻮﻧﯩﻐﺎ ﺋﻮرۇﻧﯩﯟاﻟﻐﺎن ﻣﺎﯕﻘﯘرﺗلارﻧﯩﯔ ﮬﺎﻟﯩﻐﺎ ۋاي! ﺑﯘﻧﺪاق ﺋﯩﺸلارﻧﻰ ﮬﻪﻣﻤﯩلا ﺟﺎﻳﺪا- ﻣﺎﮔﯩﺰﯨﻨلاردا، ﺋﻮرﮔﺎﻧلاردا، ﻗﺎﺗﻨﺎش ﻳﻮﻟﻠﯩﺮﯨﺪا، ﻛﻪﺳﭙﯩﻲ ﺋﻮرۇﻧلاردا ۋە ﻳﺎﻛﻰ ﺑﺎﺷﻘﺎ ﺟﺎﻳلاردا ﺋﯘﭼﺮﯨﺘﯩﺸﯩﻤﯩﺰ ﻣﯘﻣﻜﯩﻦ. ﺷﯘﻧﺪاق ﺋﻪﻣﻪﺳﻤﯘ؟

ﺟﻪﻣﺌﯩﻴﻪت دﯦﮕﻪن ﻣﯘرەﻛﻜﻪپ ﻗﯘرۇﻟﻤﺎ، ﺋﯘﻧﯩﯖﺪا ﮬﻪﻣﻤﻪ ﺗﻪرﻛﯩﺐ: ﺑﺎي- ﻛﻪﻣﺒﻪﻏﻪل، ﺋﻪﻣﻪﻟﺪار – ﭘﯘﻗﺮا، ﺑﺎﺷﻘﯘرﻏﯘﭼﻰ – ﺑﺎﺷﻘﯘرۇﻟﻐﯘﭼﻰ، ﺋﯩﺸﻠﻪﺗﻜﯜﭼﻰ – ﺋﯩﺸﻠﯩﮕﯜﭼﻰ، ﺋﯚﮔﻪﺗﻜﯜﭼﻰ – ﺋﯚﮔﻪﻧﮕﯜﭼﻰ، ﺳﺎﺗﻘﯘﭼﻰ- ﺋﺎﻟﻐﯘﭼﻰ، ﮬﺎﺟﻪﺗﻤﻪن… ﺗﻪڭ ﻣﻪۋﺟﯘت ﺑﻮﻟﯘپ ﺗﯘرﯨﺪۇ. ﺑﯘ، ﭘﻪﻗﻪت ﺟﻪﻣﺌﯩﻴﻪﺗﻨﯩﯔ ﺋﯧﮭﺘﯩﻴﺎﺟﻰ، ﺗﯘرﻣﯘﺷﻨﯩﯔ ﻧﻮرﻣﺎل ﺋﯧﻜﻮﻟﻮﮔﯩﻴﯩﺴﻰ ﺑﻮﻟﯘپ، ﮬﻪرﮔﯩﺰﻣﯘ ﺋﺎدەﻣﻠﻪردﯨﻜﻰ ﻳﯘﻗﯩﺮى – ﺗﯚۋەﻧﻠﯩﻜﻨﻰ، ﺋﯧﺰﯨﺰ – ﺧﺎرﻟﯩﻘﻨﻰ ﺋﺎﻳﺮﯨﻴﺪﯨﻐﺎن ﺋﺎﻣﯩﻞ ﺋﻪﻣﻪس. ﺷﯘﻧﯩﯖﺪەك، ﺑﯘ، ﻣﯘﺋﻪﻳﻴﻪن ۋاﻗﯩﺖ، ﻣﯘﺋﻪﻳﻴﻪن ﺷﺎراﺋﯩﺘﺘﯩلا ﺷﯘﻧﺪاق ﺑﻮﻟﯩﺪۇ، ﻳﻪﻧﻪ ﺑﺎﺷﻘﺎ ﺳﻪۋەب – ﻧﻪﺗﯩﺠﯩﻠﻪر ﻧﻪﺗﯩﺠﯩﺴﯩﺪە، ﺋﯘ ﺧﯩﻞ ﮬﺎﻟﻪﺗﺘﻪ ﺗﯜﭘﺘﯩﻦ ﺋﯚزﮔﯩﺮﯨﺶ ﻳﯜز ﺑﯧﺮﯨﺶ ﺋﯧﮭﺘﯩﻤﺎﻟﻠﯩﻘﻰ ﻣﻪﯕﮕﯜﻟﯜك ﺑﻮﻟﯩﺪۇ. ﺑﯘﻧﻰ ﺋﯘﻧﺘﯘپ ﻗﺎﻟﺴﺎق ﮬﻪرﮔﯩﺰ ﺑﻮﻟﻤﺎﻳﺪۇ.

زﯨﻴﺎﭘﻪﺗﭽﯩﻠﯩﻜﻜﻪ ﺗﻮﻟﻐﺎن ﺟﻪﻣﯩﺌﯩﻴﯩﺘﯩﯩﺰدە، داﺋﯩﻢ دﯦﮕﯜدەك ﺗﻮي- ﺗﯜﻛﯜن ﻳﺎﻛﻰ ﺑﺎﺷﻘﺎ ﺋﯩﺸلار ﺳﻪۋەﺑﻠﯩﻚ ﺳﻮرۇﻧلارﻏﺎ ﻳﯩﻐﯩﻠﯩﭗ ﻗﺎﻟﯩﻤﯩﺰ. ﺑﯘ ﺧﯩﻞ ﺳﻮرۇﻧﺪا ﺗﻮﻧﯘش – ﻧﺎﺗﻮﻧﯘش ﻛﯩﺸﯩﻠﻪر ﺑﯩﻠﻪن ﺑﯩﻠﻠﻪ ﺋﻮﻟﺘﯘرۇپ ﻗﺎﻟﯩﻤﯩﺰ. ﺗﺎﻣﺎﻗلار ﺗﺎرﺗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺳﻮرۇﻧﻐﺎ ﻣﺎﻳﻤﯘﻧﻐﺎ ﺋﺎﻳلاﻧﺪۇرۇش دورﯨﺴﻰ − ﻣﻪي – ﺷﺎراب ﺷﻪﻟﭙﻪرﻟﯩﻚ ﭘﻪﺗﻨﯘﺳلارﻏﺎ ﺋﻮﻟﺘﯘرۇپ، ﺋﻮﺗﺘﯘرﯨﻐﺎ ﭼﯩﻘﯩﺪۇ. ﺑﻪزﯨﻠﻪر ﺋﯩﭽﯩﺪۇ، ﺑﻪزﯨﻠﻪر ﺋﯩﭽﻤﻪﻳﺪۇ. ﺳﺎﻗﻰ ﺑﻮﻟﻐﺎن ﺑﯩﺮى ﺳﻮﺋﺎل – ﺳﻮراﻗﻨﻰ ﺑﺎﺷلاﻳﺪۇ. «ﺋﯩﭽﻤﻪﻳﻤﻪن» دﯦﺴﯩﯖﯩﺰ، ﺑﺎﺷﺘﺎ ﺳﺎﺧﺘﺎ ﮬﯚرﻣﻪت ﺑﯩﻠﻪن ﺗﻪﻛﻪﻟﻠﯘپ ﻗﯩﻠﯩﺪۇ، ﻳﻪﻧﻪ ﭼﯩﯔ ﺗﯘرﺳﯩﯖﯩﺰ ﻗﯩﻴﺪاش ﺑﺎﺳﻘﯘﭼﯩﻐﺎ ﺋﯚﺗﯩﺪۇ… ﺧﯘددى ﺳﯩﺰ ﮬﺎرﯨﻘﯩﻨﻰ ﺋﯩﭽﻤﯩﺴﯩﯖﯩﺰ، ﺷﯘ زاﻣﺎت ﺑﯩﺮ ﻧﯧﻤﯩﺴﻰ ﺋﯚﻟﯜپ ﻗﺎﻟﯩﺪﯨﻐﺎﻧﺪەك! ﺋﻪﺗﺮاﭘﺘﯩﻦ ﺳﺎلاﭼﯩلار ﻗﻮﭘﯩﺪۇ، ﻳﻪﻧﻪ ﭼﯩﯔ ﺗﯘرﺳﯩﯖﯩﺰ، ﮔﻮﻳﺎ ﺳﯩﺰ ﻛﻪﭼﯜرﮔﯩﺴﯩﺰ ﮔﯘﻧﺎھ ﺋﯚﺗﻜﯜزۈپ ﻗﻮﻳﻐﺎﻧﺪەك، ﺗﯜرﻟﯜك ﺷﻪﻛﯩﻠﺪﯨﻜﻰ ﺳﯧﺴﯩﻖ ﮔﻪپ، ﺗﻪﻧﯩﻠﻪر ﭘﺎرﺗلاپ ﻛﯧﺘﯩﺪۇ! ﺋﯩﭽﻤﻪﻳﺪﯨﻐﺎن ﺋﯩﺮادﯨﺴﻰ ﺑﻮﺷﺮاﻗلار ﻧﻮﻣﯘس ﻛﯜﭼﯩﺪﯨﻦ ﭼﯩﺪﯨﻤﺎي ﺋﯩﭽﯩﭗ ﻛﯧﺘﯩﻤﯩﺰ. ﺷﯘﻧﯩﯔ ﺑﯩﻠﻪن، «ﻣﻪﺳﺘﻠﯩﻚ − ﭘﻪﺳﻠﯩﻚ، ﻧﻪﺳﻠﯩﻚ » دﯦﮕﻪﻧﺪەك، ﺑﯩﺮﻣﯘﻧﭽﻪ ﺋﯩﻨﺎﻗﺴﯩﺰﻟﯩﻖ، ﺋﺎۋارﯨﭽﯩﻠﯩﻖ، ﺑﻪﺧﺘﺴﯩﺰﻟﯩﻜﻜﻪ ﻳﻮل ﺋﯧﭽﯩﻠﯩﺪۇ. ﺗﯧﺨﻰ ﺑﻪزﯨﻠﻪر: «ﮬﺎراق ﺋﯩﭽﻤﯩﺴﻪڭ، ﺋﯩﺴﺘﯩﻘﺒﺎﻟﯩﯔ ﺑﻮﻟﻤﺎﻳﺪۇ، ﻛﯩﺸﯩﻠﻪر ﻗﺎﺗﺎرﻏﺎ ﺋﺎﻟﻤﺎﻳﺪۇ، ﺋﻮﻏﯘل ﺑﺎﻟﯩﻐﺎ 72 ﺧﯩﻞ ﮬﯜﻧﻪر ﺋﺎزﻟﯩﻖ ﻗﯩﻠﯩﺪۇ ﻳﻪي…» دﯦﮕﻪﻧﺪەك «ﮬﻪﻗﯩﻘﻪت»ﻟﻪرﻧﻰ ﺳﯚزﻟﯩﺸﯩﭗ ﺋﻪزۋەﻳﻠﯩﺸﯩﭗ ﻛﯧﺘﯩﺪۇ. ﻣﯘﺷﯘﻧﺪاق ﺳﻮرۇﻧﺪا ﮬﺎراق زورلاﻳﺪﯨﻐﺎﻧلار ﻳﺎ ﺋﺎز – ﺗﻮلا ﮬﻮﻗﯘﻗﻰ ﺑﺎر ﻣﻪﻧﺴﻪﭘﺪارلار، ﻳﺎ ﺋﺎﻟﯩﻲ ﻣﻪﻟﯘﻣﺎﺗﻠﯩﻖ زﯨﻴﺎﻟﯩﻠﯩﺮﯨﻤﯩﺰ، ۋەﻳﺎﻛﻰ ﺋﺎﺗﺎﻟﻤﯩﺶ ﻳﯜز- ﺋﺎﺑﺮۇﻳﻠﯘق ﻛﯩﺸﯩﻠﯩﺮﯨﻤﯩﺰدۇر… ﺋﺎﺷﯘﻧﺪاق ﺑﯩﺮﻗﯩﺴﯩﻢ ﻛﯩﺸﯩﻠﻪر ﺋﯚزﯨﻨﯩﯔ «ﻳﯜزى»ﻧﻰ ﭘﻪش ﻗﯩﻠﯩﭗ، ﺑﺎﺷﻘﯩلارﻧﻰ ﺋﯩﺮادﯨﺴﯩﮕﻪ ﺧﯩلاپ ﺑﻮﻟﻐﺎن ﮔﻪﭘﻨﻰ، ﺋﯩﺸﻨﻰ ﻗﯩﻠﯩﺸﻘﺎ ﻣﻪﺟﺒﯘر ﻗﯩﻠﯩﺪۇ. ﻟﯧﻜﯩﻦ، ﻳﻪﻧﻪ ﺷﯘﻧﺪاق ﺋﯧﺴﯩﻞ ﺳﺎﭘﺎﻟﯩﻖ ﻛﯩﺸﯩﻠﻪرﻣﯘ ﺑﺎر: ﻛﯩﺸﯩﻨﯩﯔ ﺗﺎﻟﻠﯩﺸﯩﻐﺎ ﮬﯚرﻣﻪت ﻗﯩﻠﯩﺪۇ، ﮬﻪق – ﻧﺎﮬﻪق ﻣﻪﺳﯩﻠﯩﻠﯩﺮﯨﺪە دادﯨﻞ ﺋﺎرﯨﻐﺎ ﭼﯜﺷﯜپ، ﺑﻮﻟﻤﯩﻐﯘر ﺋﯩﺸلارﻧﯩﯔ ﻳﯜز ﺑﯧﺮﯨﺸﯩﮕﻪ ﻳﻮل ﻗﻮﻳﻤﺎﻳﺪۇ. ﻣﺎﻧﺎ ﺑﯘ ﻧﯚۋەﺗﺘﯩﻜﻰ «ﺳﺎﭘﺎﻟﯩﻖ» ﺑﻮﻟﯘﺷﻨﯩﯔ ﺑﯩﺮ ﺗﯜرﻟﯜك ﺋﯩﭙﺎدﯨﺴﻰ.

ﺋﯧﻨﯩﻘﻜﻰ، ﺳﯩﺰ ﺑﯩﺮﺳﯩﻨﻰ ﻗﺎﻧﭽﯩﻠﯩﻚ ﮬﯚرﻣﻪت ﻗﯩﻠﺴﯩﯖﯩﺰ، ﻗﺎرﺷﻰ ﺗﻪرەﭘﻤﯘ ﺳﯩﺰﮔﻪ ﺷﯘﻧﭽﯩﻠﯩﻚ ﻗﺎﻳﯩﻞ ﺑﻮﻟﯘپ، ﺳﯩﺰﻧﻰ ﮬﯚرﻣﻪت ﻗﯩﻠﯩﺪۇ، ﻛﯩﺸﻠﯩﻚ ﻣﯘﻧﺎﺳﯩﯟەﺗﻠﻪر راۋان، ﺗﯘرﻣﯘﺷﯩﻤﯩﺰ ﮔﯜزەل، ﺟﻪﻣﺌﯩﻴﻪت ﺋﯩﻨﺎق ﺑﻮﻟﯩﺪۇ. ﺑﯘﻧﻰ ﺑﯩﺰ ﺗﺎﻏﺪﯨﻜﻰ ﺋﻪﻛﺲ ﺳﺎداﻏﺎ ﺋﻮﺧﺸﺎﺗﺴﺎق ﺑﻮﻟﯩﺪۇ. ﻣﯩﺴﺎل: ﺳﯩﺰ ﺗﺎﻏﻘﺎ ﻗﺎراپ، ﻗﺎﻧﭽﯩﻠﯩﻚ ﺋﺎۋازدا، ﻗﺎﻧﺪاق ﺳﯚزﻧﻰ ﻗﯩﻠﺴﯩﯖﯩﺰ، ﻗﺎﻳﺘﯩﭗ ﻛﯧﻠﯩﭗ ﻗﯘﻟﯩﻘﯩﯖﯩﺰﻏﺎ ﺋﺎﯕﻠﯩﻨﯩﺪﯨﻐﺎن ﺳﺎداﻣﯘ ﺷﯘ ﺑﻮﻟﯩﺪۇ!

ﻣﯘﻧﺪاﻗﭽﻪ ﺋﯧﻴﺘﺴﺎق، ﮬﻮﻗﯘﻗﻰ ﺗﯚۋەﻧﻠﻪرﻧﯩﯔ ﺷﯘﻧﺪاﻗلا ﭘﯘﻗﺮالارﻧﯩﯔ ﺋﻪﻣﻪﻟﺪارلارﻏﺎ، ﻛﻪﻣﺒﻪﻏﻪﻟﻠﻪرﻧﯩﯔ ﺑﺎﻳلارﻏﺎ، ﮬﺎﺟﻪﺗﻤﻪﻧﻠﻪرﻧﯩﯔ ﮬﺎﺟﯩﺘﻰ ﭼﯜﺷﻜﯜﭼﯩﮕﻪ… ﺧﯘﺷﺎﻣﻪت ﻗﯩﻠﯩﺶ ۋەزﯨﭙﯩﺴﯩﻤﯘ ﻳﻮق، ﺷﯘﻧﺪاﻗلا ﺋﻪﻣﻪﻟﺪارلارﻧﯩﯔ، ﺑﺎﻳلارﻧﯩﯔ ﺋﺎددﯨﻲ ﻛﯩﺸﯩﻠﻪرﮔﻪ، ﺋﻪل – ﺋﺎۋاﻣﻐﺎ ﮬﯚرﻣﻪت ﻗﯩﻠﻤﺎﺳﻠﯩﻘﯩﻨﯩﯔ ﺋﺎﺳﺎﺳﯩﻤﯘ ﻳﻮق. ﺗﻪﺷﻪﺑﺒﯘﺳﻜﺎرﻟﯩﻖ ﺑﯩﻠﻪن ﺋﯚز-ﺋﺎرا ﺋﯩﺰزەت- ﮬﯚرﻣﻪت ﻗﯩﻠﯩﺶ ﻳﯘﻗﯩﺮى – ﺗﯚۋەن ﻣﯘﻧﺎﺳﯩﯟەﺗﻨﻰ ﻳﺎﺧﺸﯩلاﺷﻨﯩﯔ ﺋﻪڭ ﺋﯜﻧﯜﻣﻠﯜك دورﯨﺴﻰ. ﻛﯩﺸﯩﻠﯩﻚ ﺗﯘرﻣﯘﺷﺘﺎ، ﻛﯩﺸﯩﻠﯩﻚ ﻣﯘﻧﺎﺳﯩﯟەﺗﻠﻪردە ﺑﯩﺮ- ﺑﯩﺮﯨﻤﯩﺰﻧﻰ ﮬﻪﻗﯩﻘﯩﻲ ﮬﯚرﻣﻪت ﻗﯩﻠﯩﺶ ﮬﻪرﮔﯩﺰﻣﯘ ﺑﯩﺮ ﺗﻪرەﭘﻨﯩﯔ ﻳﻪﻧﻪ ﺗﻪرەﭘﺘﯩﻦ ﻗﻮرﻗﻘﺎﻧﻠﯩﻘﯩﻨﯩﯔ ﺋﯩﭙﺎدﯨﺴﻰ ﺋﻪﻣﻪس، ﺑﻪﻟﻜﻰ ﺋﻪﻧﺌﻪﻧﯩﯟى ﮔﯜزەل ﺋﻪﺧلاﻗﻘﺎ ﺋﯩﮕﻪ ﺑﻮﻟﻐﺎن ﺳﺎﭘﺎﻟﯩﻖ ﻛﯩﺸﻰ ﺋﯩﻜﻪﻧﻠﯩﻜﻨﯩﯔ ﺑﻪﻟﮕﯩﺴﻰ، ﺧﺎلاس.