خىتاينىڭ جازا لاگىرلىرىغا قارشى بايانات

ئۇيغۇر ئاكادېمىيىسى بولۇش سۈپىتىمىز بىلەن خىتاي ھۆكۈمىتىنىڭ ئۇيغۇر قاتارلىق شەرقىي تۈركىستانلىقلارغا قاراتقان بۇ قىلمىشلىرىنى ئىرقىي قىرغىنچىلىق دەپ قارايمىز ۋە قەتئىي قارشى تۇرىمىز. خىتاي ھۆكۈمىتىنىڭ «جازا لاگىرلىرى»دا ياكى تۈرمىلەردە يولسىز ۋە ئاساسسىز ئەيىپلەشلەر بىلەن قانۇنسىز بىر شەكىلدە تۇتۇلغان ئۇيغۇر زىيالىيلىرىنى دەرھال قويۇپ بىرىشىنى ۋە ئۇلاردىن كەچۈرۈم سورىشىنى تەلەپ قىلىمىز. بۇنىڭدىن باشقا تۈركىيە ھۆكۈمىتىدىن، تۈرك ۋە ئىسلام دۇنياسىدىن خىتاينىڭ يولسىزلىقىغا، زۇلۇمىغا ۋە يوق قىلىشىغا ئۇچراۋاتقان مەزلۇم شەرقىي تۈركىستانلىقلارغا ئىگە چىقىپ سۈكۈتنى بۇزۇشىنى ۋە ئادالەت تەرەپتە تۇرىشىنى سورايمىز.