«ﺳﻪﯞﺩﺍﻟﯩﻖ ﺗﻪﺋﻪﺟﺠﯘﭘﻨﺎﻣﯩﺴﻰ» ﻧﺎﻣﻠﯩﻖ ﻛﯩﺘﺎﺑﺘﯩﻦ ﺧﺎﺗﯩﺮىلەﺭ
ﮪﻪﺑﯩﺒﯘﻟﻼ ﺋﺎﺑﻠﯩﻤﯩﺖ (گىرمانىيە)
ﺋﯘﻳﻐﯘﺭ ﺧﻪﻟﻘﯩﻨﯩﯔ ﺳﯚﻳﯘﻣﻠﯘﻙ ﻣﯘﺗﻪﭘﻪﻛﻜﯘﺭﻯ ﺋﺎﺑﺪﯗﺷﯘﻛﯘﺭ مۇھەممەتئىمىن (1933-1995) ﺋﯚﺯ ﮪﺎﻳﺎﺗﯩﺪﺍ ﻳﯧﮕﯩﺮﻣﯩﺪﯨﻦ ﺋﺎﺭﺗﯘﻕ ﺑﯩﺒﺎﮪﺎ ﻗﯩﻤﻤﻪﺗﻜﻪ ﺋﯩﮕﻪ ﻛﯩﺘﺎﺑﻼﺭﻧﻰ ﺑﯩﺰﮔﻪ ﻗﺎﻟﺪﯗﺭﯗﭖ ﻛﻪﺗﻜﻪﻥ. ﺋﺎﻟﯩﻤﻨﯩﯔ ﻗﻪﻟﯩﻤﯩﺪﯨﻦ ﺗﺎﻣﻐﺎﻥ، ﺗﯚﮪﭙﯩﻠﯩﺮﯨﺪﯨﻦ ﺑﯩﻨﺎ ﺑﻮﻟﻐﺎﻥ ﻣﯩﺮﺍﺱ – ﻳﺎﺩﯨﻜﺎﺭﻟﯩﻘﻼﺭ ﺑﯩﺰﻧﯩﯔ ﻳﻮﻟﯩﻤﯩﺰﻧﻰ ﻳﻮﺭﯗﺗﻤﺎﻗﺘﺎ. ﺗﯚﮪﭙﯩﻜﺎﺭ ﺋﯘﺳﺘﺎﺯﻧﯩﯔ ﻧﺎﻡ-ﺷﻪﺭﯨﭙﯩﻨﻰ ﺗﯩﻠﻐﺎ ﺋﯧﻠﯩﺶ ﻗﻪﻟﺒﯩﻤﯩﺰﻧﯩﯔ ﻗﯧﺘﯩﺪﺍ ﺋﻪﺯﮔﯘ ﮪﯚﺭﻣﻪﺕ ﯞﻩ ﻳﯘﻛﺴﻪﻙ ﺋﯩﭙﺘﯩﺨﺎﺭ ﺗﯘﻳﻐﯘﻣﯩﺰﻧﻰ ﺋﻮﻳﻐﯩﺘﯩﺪﯗ!
ﻣﯘﺗﻪﭘﻪﻛﻜﯘﺭ ﺋﺎﺑﺪﯗﺷﯘﻛﯘﺭ مۇھەممەتئىمىنﻨﯩﯔ „ﺳﻪﯞﺩﺍﻟﯩﻖ ﺗﻪﺋﻪﺟﺠﯘﭘﻨﺎﻣﯩﺴﻰ“ ﻧﺎﻣﻠﯩﻖ ﻧﻪﺳﯩﺮﻟﻪﺭ ﺗﻮﭘﻠﯩﻤﻰ 2000-ﻳﯩﻠﻰ ﻧﻪﺷﯩﺮﺩﯨﻦ ﭼﯩﻘﻘﺎﻥ ﺑﻮﻟﯘﭖ، ﺑﯘ ﻛﯩﺘﺎﺏ ﺟﻪمىئىي ﺑﻪﺵ «ﻧﺎﻣﻪ» ﺩﯨﻦ ﺗﯘﺯﯗﻟﮕﻪﻥ، ﻳﻪﻧﻰ:
ﻛﺎﻛﻜﯘﻛﻨﺎﻣﻪ
ﻣﺎﺭﺟﺎﻧﻨﺎﻣﻪ
ﺳﯘﻣﯘﺭﻏﻨﺎﻣﻪ
ﺟﺎﮪﺎﻧﻨﺎﻣﻪ
ﻧﯩﺠﺎﺗﻨﺎﻣﻪ
ﺋﺎﻟﯩﻢ ﺑﯘ ﺋﻪﺳﻪﺭﯨﻨﻰ ﺋﯚﺯ ﮪﺎﻳﺎﺗﯩﺪﯨﻜﻰ ﺋﻪﯓ ﺟﺎﭘﺎﻟﯩﻖ ﻳﯩﻠﻼﺭﺩﯨﻜﻰ ﺋﯚﺯ ﺗﻪﭘﻪﻛﯘﺭﺭﻟﯩﺮﯨﻨﻰ، ﮪﯧﻜﻤﻪﺗﻠﯩﺮﯨﻨﻰ ﺳﻪﯞﺩﺍﻟﯩﻘﻨﯩﯔ ﺷﯩﯟﯨﺮﻻﺷﻠﯩﺮﯨﻐﺎ ﺋﻮﺧﺸﯘﺗﯘﭖ، ﺋﯚﺯﯨﻨﯩﯔ ﺋﻪﻳﻨﻰ ﻳﯩﻠﻼﺭﺩﯨﻜﻰ ﺋﯩﭽﻜﻰ ﺩﯗﻧﻴﺎﺳﯩﻨﻰ ﻧﻪﺳﯩﺮ ﺷﻪﻛﯩﻠﺪﻩ ﻛﯩﺘﺎﺑﺨﺎﻧﻼﺭﻏﺎ ﻳﻮﺭﯗﺗﯘﭖ ﺑﻪﺭﮔﻪﻥ. ﺋﯚﺯ ﮪﺎﻳﺎﺗﯩﻨﯩﯔ ﺟﺎﭘﺎﻟﯩﻖ ﻳﯩﻠﻠﯩﺮىدﯨﻜﻰ ﯞﻩﻗﻪ ﮪﺎﺩﯨﺴﻠﻪﺭﻧﯩﯔ ﺋﯚﺯﻧﯩﯔ ﺳﻮبىئىكتىپ ﺋﯩﯖﯩﺪﺍ ﻗﻮﺯﻏﺎﺗﻘﺎﻥ ﺋﺎچچىق ﺋﻪﻟﻪﻡ ۋە ﮪﯩﺲ – ﺗﯘﻳﻐﯘﻟﯩﺮﯨﻨﻰ ﺧﺎﺗﯩﺮﯨﺴﯩﮕﻪ ﻳﯧﺰﯨﭗ ﻣﺎﯕﻐﺎﻥ ﯞﻩ ﺋﺎﺧﯩﺮﻯ ﺟﻪﻣﻠﯩﻨﯩﭗ ﺑﯘ ﻗﻮﻟﯩﻤﯩﺰﺩﯨﻜﻰ «ﺳﻪﯞﺩﺍﻟﯩﻖ ﺗﻪﺋﻪﺟﺠﯘﭘﻨﺎﻣﯩﺴﻰ» ﻧﺎﻣﻠﯩﻖ ﻛﯩﺘﺎﺏ ﯞﯗﺟﯘﺗﻘﺎ ﻛﻪﻟﮕﻪﻥ.
ﺑﯘ ﻛﯩﺘﺎﺑﺘﺎ ﻳﯧﺰﯨﻠﻐﺎﻥ ﺗﻪﭘﻪﻛﻜﯘﺭ ﺟﻪﯞﮪﻪﺭﻟﯩﺮﻯ ﺗﻮﻏﺮﯨﺪﺍ ﺋﺎﻟﯩﻢ ﺋﯚﺯﻯ ﻣﯘﻧﺪﺍﻕ ﺩﻩﻳﺪﯗ: «ﺑﯘ ﺗﺎﺭﯨﺨﻨﯩﯔ ﺳﻪﯞﺩﺍﻟﯩﻖ ﻳﯩﻠﻠﯩﺮﻯ ﻳﯧﺰﯨﻠﻐﺎﻥ ﺗﻪﺋﻪﺟﺠﯘﭘﻨﺎﻣﻪ. ﺑﯘﻧﺪﺍﻕ ﻳﯩﻠﻼﺭﻧﻰ ﺋﺎﭘﻪﺕ ﺩﻩﭖ ﺋﺎﺗﯩﺴﺎﯓ ﺋﺎﭘﻪﺗﻠﯩﺮﻯ ﺗﻮﻟﯩﻤﯘ ﭘﺎﺟﯩﺌﻪﻟﯩﻚ. ﺑﯘﻧﺪﺍﻕ ﻳﯩﻠﻼﺭﻧﻰ ﺋﺎﻣﻪﺗﻠﯩﻚ ﺩﻩﭖ ﺋﺎﺗﯩﺴﺎﯓ ﺋﯘﻧﯩﯔ ﺋﯩﻨﺴﺎﻧﯩﻴﻪﺗﻨﯩﯔ ﺗﻪﺟﯩﺮﺑﯩﻠﯩﺮﯨﻨﻰ ﺗﻮﭘﻼﭖ، ﺯﯗﻟﻤﻪﺗﻨﻰ ﻳﯧﯖﯩﭗ ﺋﺎﻟﻐﺎ ﺋﯩﻠﮕﯩﺮﻟﯩﺸﯩﮕﻪ ﻗﻮﺷﻘﺎﻥ ﺗﯚﮪﭙﯩﺴﻰ ﮪﯧﻜﻤﻪﺗﻜﻪ ﺑﺎﻱ ﻗﯩﻤﻤﻪﺗﻠﯩﻚ ﺋﺎﻣﻪﺕ ﺋﯩﻜﻪﻧﻠﯩﻜﯩﻨﻰ ﺋﯩﻨﻜﺎﺭ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﺑﯘ ﮪﻪﻗﯩﻘﻪﺗﻪﻥ ﺳﻪﯞﺩﺍﻟﯩﻖ ﻳﯩﻠﻠﯩﺮﻯ ﺋﯩﺪﻯ. ﺳﻪﯞﺩﺍﻟﯩﻖ ﭘﺎﺟﯩﺌﻪﺳﻰ ﺋﯩﭽﯩﺪﻩ، ﺳﻪﺭﺳﺎﻧﻠﯩﻖ ﺋﯩﭽﯩﺪﻩ ﻛﯘﺗﯘﻟﻤﯩﮕﻪﻧﺪﻩ ﻛﻮﻧﺎ ﻳﻮﺷﯘﺭﯗﻥ ﻏﻪﺯﯨﻨﯩﮕﻪ ﺋﯧﺮﯨﺸﯩﭗ ﻗﯧﻠﯩﺶ ﻣﯘﻣﻜﯩﻨﭽﯩﻠﯩﻜﻰ ﻧﯘﺭﻏﯘﻥ ﺧﻪﻟﻖ ﭼﯚﭼﻪﻛﻠﯩﺮﯨﺪﻩ ﺋﯩﺴﭙﺎﺗﻼﻧﻐﺎﻧﻐﯘ؟»
ﮪﺎﻳﺎﺗﻨﯩﯔ ﺯﯗﻟﻤﻪﺗﻠﯩﻚ ﻳﯩﻠﻠﯩﺮﯨﺪﺍ ﭘﯜﺗﯜﻥ ﺋﺎﺩﻩﻡ ﺗﯧﯖﯩﺮﻗﯩﻐﺎﻥ ﯞﻩ ﺋﻪﻧﺪﯨﺸﻪ ﯞﻩﮪﯩﻤﯩﺴﻰ ﺋﯩﭽﯩﺪﻩ ﺳﻪﯞﺩﺍﻟﯩﻖ ﺭﻭﮪﯩﻴﯩﺘﯩﮕﻪ ﺋﻪﺳﯩﺮ ﺑﻮﻟﻐﺎﻧﺪﺍ، مۇتەپەككۈر ﺋﺎﺑﺪﯗﺷﯘﻛﯘﺭ ﻣﯘﮪﻪﻣﻤﻪﺗﯩﻤﯩﻦ ﺋﯚﺯﯨﻨﯩﻤﯘ ﺳﻪﯞﺩﺍﻟﯩﻘﺘﯩﻦ ﺧﺎﻟﻰ ﻗﯩﻼﻟﻤﯩﻐﺎﻥ. ﻣﺎﻧﺎ ﻣﯘﺷﯘ ﺳﻪﯞﺩﺍﻟﯩﻖ ﺗﯘﻳﻐﯘﻟﯩﺮﯨﻨﻰ ﺋﯚﺯﯨﻨﯩﯔ ﺋﯚﺗﻜﯘﺭ ﻗﻪﻟﯩﻤﻰ ﺑﯩﻠﻪﻥ ﻳﯧﺰﯨﭗ ﻗﺎﻟﺪﯗﺭﯗﭖ، ﺑﯘ ﺋﺎﺭﻗﯩﻠﯩﻖ ﻛﯩﻴﯩﻨﻜﻰ ﺋﻪﯞﻻﺗﻼﺭﻏﺎ ﮪﻪﻗﯩﻘﻰ ﻳﻮﺭﯗﻗﻠﯘﻕ، ﮔﯜﺯﻩﻟﻠﯩﻚ ﯞﻩ ﻳﺎﺧﺸﯩﻠﯩﻘﻨﯩﯔ ﻗﻪﺩﯨﺮ-ﻗﯩﻤﻤﯩﺘﯩﻨﻰ ﮪﯧﺲ ﻗﯩﻠﺪﯗﺭﯗﺷﻨﻰ ﺋﺎﺭﺯﯗ ﻗﯩﻠﻐﺎﻥ.
ﻣﻪﻥ ﺗﯚﯞﻩﻧﺪﻩ «ﻛﺎﻛﻜﯘﻛﻨﺎﻣﻪ» ﺩﯨﻦ ﻗﺎﻟﺪﯗﺭﻏﺎﻥ ﺧﺎﺗﯩﺮﻟﯩﺮىمنى ﺑﯩﻠﯩﻢ ﺧﯘﻣﺎﺭ ﺋﻮﻗﯘﺭﻣﻪﻧﻠﻪﺭ ﺑﯩﻠﻪﻥ ﺋﻮﺭﺗﺎﻗﻼﺷﻤﺎﻗﭽﯩﻤﻪﻥ.
1. ﻣﻪﻥ ﻛﯩﭽﯩﻚ ﻗﯘﺵ ﻣﻪﻥ، ﺟﻪﯓ ﺩﯗﻣﺒﯩﻐﯩﺪﻩﻙ ﻧﻪﺭﻩ ﻳﺎﯕﺮﯨﺘﺎﻟﻤﺎﻳﻤﻪﻥ. ﻣﻪﻥ ﻛﯩﭽﯩﻚ ﮔﯩﻴﺎﮪ، ﺋﺎﻟﻪﻣﻨﻰ ﻣﻪﮪﻠﯩﻴﺎ ﻗﯩﻠﯩﺪﯨﻐﺎﻥ ﺧﯘﺵ ﭘﯘﺭﺍﻗﻨﻰ ﺗﺎﺭﻗﯩﺘﺎﻟﻤﺎﻳﻤﻪﻥ. ﻣﻪﻧﺪﻩ ﺭﻩﺷﯩﻚ ﯞﻩ ﮪﻪﺳﻪﺕ ﻣﺎﺟﯩﺮﺍﺳﯩﻨﯩﯔ ﮪﻪﺷﻪﻣﻪﺗﻠﯩﻚ ﺑﯘژغۇﻧﻠﯩﺮﻯ ﻳﻮﻕ.
2.ﻣﯘﮪﻪﺑﺒﻪﺗﻨﯩﯔ ﻣﻪﯕﮕﯘ ﻳﯧﯖﯩﻠﯩﭗ ﯞﻩ ﺋﻪﺑﻪﺩﯨﻲ ﺗﻪﻛﺮﺍﺭﻟﯩﻨﯩﭗ ﺗﯘﺭﯨﺪﯨﻐﺎﻥ ﻣﻪﻧﯩﯟﻯ ﺟﻪﻧﻨﯩﺘﻰ ﻧﻪﺩﯨﻜﻰ، ﻣﻪﻥ ﺋﯘﻧﯩﯖﺪﯨﻦ ﺷﯧﺌﯩﺮﯨﻴﻪﺕ ﺋﯩﻼﮪﯩﻨﻰ ﺋﯩﺰﺩﻩﻳﻤﻪﻥ.
3.ﺋﯘﻣﯩﺪ ﺗﺎﯓ ﺷﻪﭘﯩﻘﯩﻨﯩﯔ ﻛﯚﯕﻠﯩﻜﯩﻨﻰ ﻛﯧﻴﯩﭗ ﻗﺎﻗﺎﻗﻼﭖ ﻛﯜﻟﮕﯩﻨﯩﺪﻩ، ﺋﯘ ﻣﯘﺋﯩﺪﺳﯩﺰﻟﯩﻚ ﮔﯘﮔﯘﻡ ﺋﻮﺗﻘﯧﺸﯩﻨﻰ ﻗﺎﺭﺍﻳﺘﯩﭗ، ﻻﻡ-ﺟﯩﻢ ﺩﯦﻤﯩﺪﻯ. ﺋﯘﻣﯩﺪﻧﯩﯔ ﺗﻪﻧﺘﻪﻛﻠﯩﻜﻰ ﺑﯩﻠﻪﻥ ﺋﯘﻣﯩﺪﺳﯩﺰﻟﯩﻜﻨﯩﯔ ﺗﻪﻣﻜﯩﻦ ﺳﯩﭙﺎﻳﯩﻠﯩﻜﻰ ﺋﺎﺭﯨﺴﯩﺪﺍ ﺗﯧﯖﯩﺮﻗﺎﭖ ﺷﯩﯟﯨﺮﻻﻳﻤﻪﻥ.
4. ﮪﯩﺠﺮﺍﻥ ﺩﻩﺷﺘﯩﺪﻩ ﺗﯘﺭﻏﯩﻨﯩﯖﺪﺍ ﺳﺎﯕﺎ ﺋﯩﻠﮭﺎﻡ ﺑﯧﻐﯩﺸﻠﯩﻐﺎﻥ ﻧﻪﺭﺳﻪ ﯞﯨﺴﺎﻝ ﺋﯘﻣﯩﺪى. ﯞﯨﺴﺎﻝ ﺑﯧﻐﯩﺪﺍ ﺳﯧﻨﻰ ﺋﺎﻟﺪﯨﺮﺍﺗﻘﺎﻥ ﻧﻪﺭﺳﻪ ﮪﯩﺠﺮﺍﻥ ﯞﻩﮪﯩﻤﯩﺴﻰ. ﯞﯨﺴﺎﻝ ﻗﻪﺩﺭﯨﻨﻰ ﻛﯚﺗﯘﺭﮔﻪﻥ ﻧﻪﺭﺳﻪ ﮪﯩﺠﺮﺍﻥ. ﮪﯩﺠﺮﺍﻥ ﻗﻪﺩﺩﯨﻨﻰ ﺭﯗﺳﻠﯩﻐﺎﻥ ﻧﻪﺭﺳﻪ ﯞﯨﺴﺎﻝ.
5. ﻳﻮﻗﻠﯘﻗﻨﯩﯔ ﺋﯘﻣﯩﺪى ﻣﻮﻟﻠﯘﻗﻨﯩﯔ ﯞﻩﮪﯩﻤﯩﺴﯩﺪﯨﻦ ﺋﯘﺳﺘﯘﻥ.
6. ﺩﻩﺭﻳﺎﻻﺭ ﺳﯚﻳﮕﯘﺳﯩﻨﻰ ﻳﺎﺩﯨﻤﻐﺎ ﺋﺎﻟﻐﯩﻨﯩﻤﺪﺍ ﻛﯚﺯﯗﻣﺪﯨﻦ ﺩﻩﺭﻳﺎﻻﺭ ﺋﺎﻗﯩﺪﯗ. ﺗﺎﻏﻼﺭ ﭘﯩﺮﻗﯩﻨﻰ ﺋﻪﺳﻠﯩﮕﯩﻨﯩﻤﺪﻩ ﭼﻮﯕﻘﯘﺭ ﺩﯦﯖﯩﺰ ﺗﯧﮕﯩﮕﻪ ﭘﺎﺗﯩﻤﻪﻥ.
7. ﻣﯧﻨﯩﯔ ﻛﯚﺯ ﻳﺎﺷﻠﯩﺮﯨﻢ ﺋﺎﺯﻏﺎﻥ ﭼﯧﭽﯩﻜﻰ ﺋﯘﺳﺘﯩﺪﻩ ﺗﯩﺘﺮﻩﭖ ﺗﯘﺭﻏﺎﻥ ﺋﯧﻐﯩﺮ ﺷﻪﺑﻨﻪﻡ. ﻣﯧﻨﯩﯔ ﻛﯚﺯ ﻳﺎﺷﻠﯩﺮﯨﻢ ﺯﯦﻤﯩﻨﻐﺎ ﺗﯚﻛﯘﻟﮕﻪﻥ ﮔﯜﻝ ﺑﻪﺭﮔﯩﻨﯩﯔ ﻣﻪﺭﺳﯩﻴﯩﺴﻰ، ﺋﯘ ﺯېمىن ﻳﯘﺯﯨﻨﻰ ﻏﯘﻧﭽﻪ ﮔﯩﻠﻪﻡ ﺑﯩﻠﻪﻥ ﻳﺎﺳﺎﻧﺪﯗﺭﯨﺪﯨﻐﺎﻥ ﻳﯧﺸﯩﻞ ﺑﺎﮪﺎﺭﻧﯩﯔ ﻗﻪﺳﯩﺪﯨﺴﻰ.
8. ﺳﺎﺩﺍﻗﻪﺕ- ﻣﯘﮪﻪﺑﺒﻪﺕ ﺩﯦﯖﯩﺰﯨﺪﯨﻜﻰ ﮔﯚﮪﻪﺭ ﺧﻪﺯﯨﻨﯩﻨﯩﯔ ﺋﻮﻣﯘمىي ﯞﻩﺟﻰ. ﮔﯜﺯﻩﻟﻠﯩﻚ – ﺳﺎﺩﺍﻗﻪﺕ ﺑﯧﻐﯩﺪﺍ ﮔﯜﺯﻩﻟﻠﯩﻚ ﺳﯘﻣﯘﺭﻏﺘﻪﻙ ﻗﺎﻳﺘﺎ ﺗﯘﻏﯘﻟﻐﺎﻥ ﻳﯧﯖﻰ ﻗﯩﻴﺎﭘﯩﺘﻰ. ﻳﯘﻛﺴﻪﻛﻠﯩﻚ — ﺳﺎﺩﺍﻗﻪﺕ ﺑﯩﻠﻪﻥ ﮔﯜﺯﻩﻟﻠﯩﻜﻨﯩﯔ ﻣﯧﻨﻰ ﻣﻪﮪﻠﯩﻴﺎ ﻗﯩﻠﻐﺎﻥ ﻛﺎﺭﺍﻣﯩﺘﻰ.
9. ﻛﺎﻛﻜﯘﻙ! ﺳﻪﻥ ﮪﺎﯞﺍ ﺑﻮﺷﻠﯘﻗﯩﻨﯩﯔ ﺋﻪﺭﻛﯩﻦ ﻣﻪﻟﯩﻜﺴﻰ، ﻗﻪﭘﻪﺱ ﺋﯩﺴﺘﯩﻘﺎﻣﻪﺗﮕﺎﮪﯩﻨﯩﯔ ﻣﻪﺭﺩﺍﻧﻪ ﻏﻪﺯﻩﻟﭽﯩﺴﻰ. ﺯﯦﻤﯩﻦ ﻳﺎﻳﻠﯩﻘﯩﻨﯩﯔ ﺋﻪﺭﻛﻪ ﺳﺎﻳﺎﮪﻪﺗﭽﯩﺴﻰ. ﺋﯩﻨﺴﺎﻥ ﺋﯜﭼﯜﻥ ﭘﻪﻟﻪﻛﻨﯩﯔ ﻧﯧﻤﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﻤﻪﻳﻤﻪﻥ…
ﺋﺎﻧﺎ ﺑﺎﻏﺮﯨﺪﺍ ﺋﻪﺭﻛﻪ، ﺗﻪﺳﻪﯞﯞﯗﺭ ﻛﯚﻛﯩﺪﻩ ﺋﻪﺭﻛﯩﻦ ﺋﯚﺳﻜﻪﻥ ﺋﻮﻣﺎﻕ ﺑﺎﻟﯩﻨﯩﯔ ﻛﯩﺸﯩﻠﻪﺭ ﺋﺎﻟﺪﯨﺪﺍ ﺧﻮﺷﺎﻣﻪﺗﭽﻰ ﺑﻮﻟﻤﯩﻐﺎﻧﻠﯩﺮﯨﻨﻰ ﺋﺎﺯ ﺋﯘﭼﺮﺍﺗﻘﯩﻨﯩﻢ ﺋﯜﭼﯜﻥ ﮪﻪﺳﺮﻩﺗﻠﯩﻨﯩﻤﻪﻥ…
10. ﮔﯜﺯﻩﻟﻠﯩﻜﻨﯩﯔ ﻣﻪﯕﮕﯘﻟﯘﻙ ﻛﯘﻟﻜﯩﺴﯩﺪﻩ ﺗﻪﺑﯩﺌﻪﺗﻨﯩﯔ ﻧﯩﺴﺒﻪﺗﻠﯩﻚ ﻣﯘﺯﯨﻜﯩﺴﻰ ﺗﻪﻛﺮﺍﺭﻟﯩﻨﯩﭗ ﺗﯘﺭﯨﺪﯗ. ﻗﺎﻳﻐﯘ ﻣﯘﺷﯘ ﻛﯘﻟﻜﯩﻨﯩﯔ ﯞﻩﮪﯩﻤﯩﺴﻰ!
11. ﺑﻮﺭﺍﻧﻼﺭ ﮪﻮﯞﻻﻳﺪﯗ. ﻣﻪﻥ ﭼﻮﯕﻘﯘﺭ ﺧﯩﻴﺎﻟﻐﺎ ﭼﯚﻛﯘﻣﻪﻥ. ﺑﻮﺭﺍﻧﻼﺭ ﮪﻮﯞﻻﻳﺪﯗ. ﻣﻪﻥ ﺗﺎﺭﺍﻡ-ﺗﺎﺭﺍﻡ ﻳﺎﺵ ﺗﯚﻛﯩﻤﻪﻥ. ﺑﻮﺭﺍﻧﻼﺭ ﮪﻮﯞﻻﻳﺪﯗ. ﻣﻪﻥ ﻗﺎﻗﺎﻗﻼﭖ ﻛﯜﻟﯩﻤﻪﻥ.
ﺑﻮﺭﺍﻧﻼﺭ ﻣﻪﺟﻨﯘﻥ ﺗﻪﺑﯩﺌﻪﺗﻨﯩﯔ ﻣﻪﺳﺨﯘﻱ ﭘﻮﭘﻮﺯﯨﺴﻰ. ﺋﯘﻧﯩﯔ ﮪﻮﯞﻻﺷﻠﯩﺮﯨﻨﯩﯔ ﺋﻪﯞﺟﯩﺪﯨﻦ ﺋﻪﺟﺪﯨﮭﺎ ﺳﯘﺭﻩﺗﻠﯩﻚ ﺟﯘﺩﯗﻥ ﺩﯨﯟﯨﺴﯩﻨﯩﯔ ﺋﯚﻟﯘﻡ ﻧﻮﭘﯘﺯﯨﻨﻰ ﺳﯧﺰﯨﻤﻪﻥ. ﻣﯧﻨﯩﯔ ﻗﻮﺭﻗﯩﺪﯨﻐﯩﻨﯩﻢ ﮔﯜﻟﺸﻪﻧﻨﻰ ﻧﺎﺯ ﯞﻩ ﺳﯘﻟﻜﯩﺘﻰ ﺑﯩﻠﻪﻥ ﺭﻩﯕﻤﯘﺭﻩﯓ ﭼﯧﭽﻪﻙ ﺑﯩﻠﻪﻥ ﺯﯨﻨﻨﻪﺗﻠﯩﮕﻪﻥ، ﺧﯘﺵ ﭘﯘﺭﯨﻘﻰ ﺑﯩﻠﻪﻥ ﻣﻪﮪﻠﯩﻴﺎﻟﯩﻘﯩﻨﯩﯔ ﮪﯧﻜﻤﯩﺘﯩﻨﻰ ﺗﻮﻧﯘﺗﻘﺎﻥ، ﺋﻪﺗﯩﺮ ﮔﯜﻟﮕﻪ ﺑﯘﻟﺒﯘﻟﻨﻰ، ﻣﻪﺷﯘﻗﯩﻐﺎ ﺋﯚﺯ ﻣﻪﮪﺒﯘﺑﯩﻨﻰ ﺋﺎﺷﯩﻖ ﻗﯩﻠﻐﺎﻥ ﻣﯘﮔﻪﺑﺒﻪﺕ ﺋﯩﻼﮪﯩﻨﯩﯔ ﺳﺎﺧﺎﯞﻩﺗﻠﯩﻚ ﻧﻮﭘﯘﺯﻯ.
ﺋﯚﻟﯘﻡ ﻧﻮﭘﯘﺯﯨﺪﯨﻦ ﭼﯚﭼﯘﺵ ﺋﺎﺭﺳﯩﺰﻟﯩﻖ؛ ﻣﯘﮪﻪﺑﺒﻪﺕ ﺷﻪﭘﻘﯩﺘﯩﺪﯨﻦ ﺳﯩﺮﺗﺘﺎ ﻗﯧﻠﯩﺶ ﺷﻪﯞﻛﻪﺗﺴﯩﺰﻟﯩﻚ. ﻗﺎﻗﺎﻗﻼﭖ ﻛﯜﻟﮕﯩﻨﯩﻤﺪﺍ ﺋﻪﻧﺒﯩﻴﺎﻻﺭ ﮪﺎﻳﺎﺟﺎﻧﻠﯩﻨﯩﺪﯗ.
12. ﮪﻪﺳﻪﻟﭽﻰ ﮪﻪﺭﻩ ﺋﯚﺯ ﭘﺎﺩﯨﺸﺎﮪﯩﻨﻰ ﺧﯘﺵ ﭘﯘﺭﺍﻕ ﺑﺎﻝ ﺟﻪﯞﮪﯩﺮﻯ ﺑﯩﻠﻪﻥ ﺑﺎﻗﯩﺪﯗ. ﮪﻪﺳﻪﻟﭽﻰ ﮪﻪﺭﻩ ﭘﺎﺩﯨﺸﺎﮪﻰ ﺋﯩﺸﭽﻰ ﮪﻪﺭﯨﺴﯩﻨﯩﯔ ﺑﯧﺸﯩﻨﻰ ﺋﯘﺯﯗﺵ ﺋﺎﻟﺪﯨﺪﺍ ﺗﻪﻧﺘﻪﻧﻪ ﺑﯩﻠﻪﻥ: ﯞﺍﭘﺎﻏﺎ ﺟﺎﭘﺎ ﻗﯩﻠﻐﺎﻥ ، ﺩﻩﭖ ﯞﺍﻗﯩﺮﺍﻳﺪﯗ. ﺩﻩﺭﮪﻪﻗﯩﻘﻪﺕ-، ﺩﻩﻳﺪﯗ ﺑﺎﺷﻘﺎ ﺋﯩﺸﭽﻰ ﮪﻪﺭﯨﻠﻪﺭ، ﭼﯜﻧﻜﻰ ﮪﻪﺭﻩ ﭘﺎﺩﯨﺸﺎﮪﯩﻨﯩﯔ ﺋﯩﻜﻜﻰ ﺑﯩﻘﯩﻨﯩﺪﺍ ﺗﻪﺭﺳﺎﻧﻨﯩﯔ ﻏﻪﺯﯨﭙﯩﮕﻪ ﻗﯘﺩﺭﻩﺕ ﺑﯧﺮﯨﭗ ﺗﯘﺭﯨﺪﯨﻐﺎﻥ ﺷﻪﻣﺸﻪﺭ ﻗﺎﺗﯩﻨﻰ ﺋﺎﺭﺗﯘﻕ.
13. ﻗﻮﺭﻗﯘﭖ ﺗﯘﺭﺳﺎﯕﻤﯘ ﻳﻪﻧﯩﻼ ﺋﯘﻣﯩﺪﻟﯩﻨﯩﭗ ﺗﯘﺭﯨﺪﯨﻜﻪﻧﺴﻪﻥ، ﺳﯧﻨﯩﯔ ﻣﺎﻳﯩﻞ ﺑﻮﻟﯩﺪﯨﻐﯩﻨﯩﯔ ﺧﻮﺷﺎﻣﻪﺗﺘﯩﻦ ﺋﯩﺒﺎﺭﻩﺕ ﺑﻮﻟﯩﺪﯗ.
ﺧﻮﺷﺎﻣﻪﺕ – ﺭﻭﮪﯩﻴﻪﺕ ﺗﯩﻠﻪﻣﭽﯩﻠﯩﮕﻰ.
14. ﺗﻪﻗﺪﯨﺮ – ﺑﯘ ﻗﯩﺴﻤﻪﺕ ﯞﻩ ﺋﯩﺮﺍﺩﯨﻨﯩﯔ ﺟﯧﯖﻰ.
ﻗﺎﻳﻐﯘ ﻳﺎﺷﻠﯩﺮﻯ – ﺑﯘ ﺗﻪﻗﺪﯨﺮ ﺟﯧﯖﯩﺪﻩ ﺋﯩﺮﺍﺩﯨﻨﯩﯔ ﺋﺎﻗﻘﯘﺯﻏﺎﻥ ﭘﺎﻙ ﻗﯧﻨﻰ.
ﻗﯩﺴﻤﻪﺗﺴﯩﺰ ﻣﯘﮪﻪﺑﺒﻪﺕ ﺳﻪﭘﻪﺭﮔﻪ ﭼﯩﻘﻤﯩﻐﺎﻥ ﻛﯧﻤﻪ. ﭘﺎﺭﺍﻏﻪﺕ ﺷﻪﺭﺑﯩﺘﯩﺪﯨﻦ ﺳﯩﻴﺎﮪ ﻳﺎﺳﺎﭖ ﺑﻮﻟﻤﯩﻐﯩﻨﯩﺪﻩﻙ، ﺗﯘﺭﻏﯘﻧﻠﯘﻕ ﻗﻮﻣﯘﺷﯩﺪﯨﻦ ﻗﻪﻟﻪﻡ ﺋﯚﺳﺘﯘﺭﮔﯩﻠﻰ ﺑﻮﻻﺗﺘﯩﻤﯘ.
ﮔﯜﺯﻩﻟﻠﯩﻚ ﭼﯧﭽﯩﻜﻰ ﻳﯘﻛﺴﻪﻛﻠﯩﻚ ﺧﯘﺵ ﭘﯘﺭﯨﻘﯩﻨﻰ ﭼﯧﭽﯩﭗ ﺗﯘﺭﻏﯩﻨﯩﺪﺍ ﺗﻪﻗﺪﯨﺮ ﺋﻪﺟﺪﯨﮭﺎﺳﯩﻐﺎ ﻗﯩﻠﯩﭻ ﻛﯚﺗﻪﺭﻣﻪﻱ ﺗﯘﺭﺍﻻﻣﺴﻪﻥ!
15.ﺗﯩﻜﻪﻧﺴﯩﺰ ﺳﯧﺮﯨﻖ ﭼﯧﭽﻪﻛﻨﯩﯔ ﻣﻪﭘﺘﯘﻥ ﻗﯩﻼﺭﻟﯩﻖ ﺧﯘﺵ ﭘﯘﺭﯨﻘﻰ ﻳﻮﻕ.
16.ﻗﺎﻳﻐﯘ — ﺧﻮﺷﺎﻟﻠﯩﻖ ﻛﯘﻟﻜﯩﻠﯩﺮﻯ ﻗﺎﭼﯩﻼﻧﻐﺎﻥ ﻗﺎﭖ.
17. ﻛﯚﺯ ﻳﺎﺷﻠﯩﺮﯨﯖﻨﯩﯔ ﺋﯘﻧﭽﯩﻠﯩﺮﻯ ﺧﻮﺷﺎﻟﻠﯩﻖ ﺷﻮﻟﯩﺴﻰ ﺑﯩﻠﻪﻥ ﺳﯚﻳﯘﺷﻜﻪﻧﺪﻩ ﻣﻪﯕﺰﯨﯖﺪﻩ ﮪﻪﺳﻪﻥ – ﮪﯜﺳﻪﻥ ﺟﯘﻻ ﻗﯩﻠﻐﯘﺳﻰ.
18. ﻛﯚﺯﻟﯩﺮﯨﻢ، ﭘﻪﺭﯨﺸﺘﯩﺪﻩﻙ ﮔﯜﺯﻩﻟﻠﯩﻜﯩﯖﮕﻪ ﺗﻪﻣﻪﻧﻨﺎ ﻗﯩﻠﻤﯩﻐﯩﻦ. ﺑﯩﻘﺎﺭﺍﺭ ﮔﯜﺯﻩﻟﻠﯩﻚ ﺳﯧﻨﯩﯔ ﮪﯚﺳﻨﯩﯖﺪﻩ ﺟﯩﻠﯟﯨﻠﯩﻨﯩﭗ ﻣﯧﻨﻰ ﺋﺎﻟﺪﯨﻐﯩﻨﯩﺪﻩﻙ، ﻣﯧﻨﯩﯔ ﺟﯩﺴﻤﯩﻤﻐﺎ ﺷﯘﻻ ﺳﯧﻠﯩﭙﻤﯘ ﺳﯧﻨﻰ ﺋﺎﻟﺪﺍﻳﺪﯗ.
19. ﺳﯚﻳﮕﯘ ﺩﯦﻤﻪﻙ ﻗﺎﻧﺎﺗﺴﯩﺰ ﻗﯘﺷﻨﯩﯔ ﺋﯘﭼﯘﺵ ﺋﯩﺴﺘﯩﻜﻰ،
ﺳﯚﻳﮕﯘ ﺩﯦﻤﻪﻙ ﮪﺎﻳﺎﺗﻠﯩﻖ ﺋﯘﻣﯩﺪﯨﻨﯩﯔ ﺩﯦﺮﯨﻜﯩﻲ،
ﺳﯚﻳﮕﯘ ﺩﯦﻤﻪﻙ ﮪﯧﺴﺴﯩﻴﺎﺕ ﻳﯘﺭﯨﻜﯩﻨﯩﯔ ﺋﯩﺪﺭﺍﻛﻰ
ﺳﯚﻳﮕﯘ ﺩﯦﻤﻪﻙ ﺋﯩﺨﺘﯩﻴﺎﺭ ﻣﯘﻟﻜﯩﻨﯩﯔ ﺳﯘﻟﺘﺎﻥ ﺑﯧﮕﻰ.
20. ﮪﻪﻗﯩﻘﯩﻲ ﮔﯜﺯﻩﻟﻠﯩﻜﻨﻰ ﮪﻪﻗﻘﯩﻲ ﺷﺎﺋﯩﺮﻧﯩﯔ ﻗﻪﻟﺒﯩﺪﯨﻦ ﺋﯩﺰﺩﻩ. ﺋﯘﻧﯩﯔ ﻗﻪﺑﺮﻯ ﺩﯨﯟﺍﻥ ﮔﯜﻟﺰﺍﺭﯨﺪﯨﻜﻰ ﺳﯚﻳﮕﯘ ﮪﻪﻳﻜﯩﻠﯩﻨﯩﯔ ﺋﺎﺳﺘﯩﺪﯨﻜﻰ ﻣﯩﺴﺮﺍﻻﺭ ﺋﺎﺭﯨﺴﯩﺪﺍ. ﺋﯘ ﻳﺎﺯﻣﺎﻳﺪﯗ، ﺋﯩﻠﮭﺎﻡ ﺑﯩﻐﯩﺸﻼﻳﺪﯗ.
21. ﻳﺎﺭ ﭼﯩﺸﻠﯩﮕﻪﻥ ﻏﻮﺭﺍ، ﯞﺍﺯﯨﻐﺎ ﺗﯩﺰﯨﻠﻐﺎﻥ ﺋﺎﻟﻤﯩﺪﯨﻦ ﻟﻪﺯﺯﻩﺗﻠﯩﻚ.
22. ﺯﯦﻤﯩﻦ ﺑﻮﻟﯘﺷﻨﻰ ﺧﺎﻻﻳﻤﻪﻥ، ﺯﯨﻠﯟﺍ بۇيۇڭ ﺋﯘﻧﯩﯖﺪﯨﻦ ﻣﻪﺩﻩﺕ ﻛﯘﺗﺴﻪ؛
ﺳﯘ ﺑﻮﻟﯘﺷﻘﺎ ﮪﻪﯞﻩﺱ ﻗﯩﻠﯩﻤﻪﻥ، ﺑﯘﻟﺒﯘﻝ ﭼﺎﭼﻠﯩﺮﯨﯔ ﺋﯘﻧﯩﯖﻐﺎ ﭼﯚﻣﯘﻟﺴﻪ؛
ﻳﻮﺭﯗﻗﻠﯘﻕ ﺑﻮﻟﯘﺷﻨﻰ ﺋﯩﺴﺘﻪﻳﻤﻪﻥ، ﻗﺎﺭﺍ ﻛﯚﺯﯗﯓ ﺋﯘﻧﻰ ﺳﯘﻣﯘﺭﺳﻪ؛
ﺷﺎﻣﺎﻝ ﺑﻮﻟﯘﺷﻨﻰ ﺋﺎﺭﺯﯗ ﻗﯩﻠﯩﻤﻪﻥ، ﺋﯩﭙﺎﺭ ﮔﻪﯞﺩﻩﯓ ﺋﯘﻧﻰ ﺧﯘﺷﺒﯘﻱ ﻗﯩﻠﺴﺎ.
23. ﻣﯘﮪﻪﺑﺒﻪﺕ ﺯﯗﻣﺮﻩﺗﻠﯩﺮﯨﻨﻰ ﺋﯩﺰﺩﻩﭖ، ﺷﯧﺌﯩﺮﻳﻪﺕ ﮔﯜﺯﻩﻟﻠﯩﻜﻨﯩﯔ ﻳﯘﻛﺴﻪﻙ ﻣﯘﻧﺎﺭﻧﻰ ﺗﯩﻠﻪ. ﻣﯘﮪﻪﺑﺒﻪﺕ ﺳﯘ ﺗﯧﮕﯩﺪﯨﻨﻤﯘ ﺋﻪﻣﻪﺱ، ﻳﺎﻟﻘﯘﻧﻠﯘﻕ ﺋﻮﺕ ﺋﯩﭽﯩﺪﯨﻤﯘ ﺋﻪﻣﻪﺱ. ﺑﻮﺭﺍﻥ-ﺟﯘﺩﯗﻧﻼﺭ ﺋﯩﭽﯩﺪﯨﻤﯘ ﺋﻪﻣﻪﺱ، ﻣﺎﻣﯘﻕ ﺑﯘﻟﯘﺗﻼﺭ ﻗﻮﻳﻨﯩﺪﯨﻤﯘ ﺋﻪﻣﻪﺱ … ﻣﯘﮪﻪﺑﺒﻪﺕ ﺑﯘﻻﺭﻧﯩﯔ ﮔﯩﺮﻩﻟﻪﺷﻜﻪﻥ ﺟﺎﻳﯩﺪﺍ، ﺗﯚﺕ ﻛﻮﭼﯩﻨﯩﯔ ﺋﺎﻏﺰﯨﺪﺍ.
24. ﮔﯜﺯﻩﻟﻠﯩﻚ ﻗﯩﭽﻘﯩﺮﯨﭗ ﺳﯧﺘﯩﻠﯩﺪﯨﻐﺎﻥ ﺗﺎﯞﺍﺭ ﺋﻪﻣﻪﺱ.
ﺋﯘ ﺋﺎﻟﻪﻣﻨﯩﯔ ﯞﯗﺟﯘﺩﻯ.
ﻣﯘﮪﻪﺑﺒﻪﺕ ﺗﻪﺭﺳﺎﻧﯩﯔ ﻣﻪﺯﮪﯩﭙﻰ ﺋﻪﻣﻪﺱ.
ﺋﯘ ﮪﺎﻳﺎﺗﻨﯩﯔ ﻧﯜﺭﻯ.
25. ﺋﯘ ﯞﯨﺠﺪﺍﻧﻨﻰ ﺑﯩﻠﻤﻪﻳﺪﯗ، ﺋﯘﻧﯩﯔ ﺑﯩﻠﯩﺪﯨﻐﯩﻨﻰ ﭘﻪﻗﻪﺕ ﭘﺎﻳﺪﺍ-زىياﻥ.
ﺋﯘ ﺋﯩﻨﺴﺎﭘﻨﻰ ﺑﯩﻠﻤﻪﻳﺪﯗ، ﺋﯘﻧﯩﯔ ﺑﯩﻠﯩﺪﯨﻐﯩﻨﻰ ﮪﯩﻠﻪ-ﻣﯩﻜﯩﺮ.
ﺋﯘ ﻧﯘﻣﯘﺳﻨﻰ ﺑﯩﻠﻤﻪﻳﺪﯗ، ﺋﯘﻧﯩﯔ ﺑﯩﻠﯩﺪﯨﻐﯩﻨﻰ ﻣﻪﻧﭙﻪﺋﻪﺕ ﻗﺎﭘﻘﯩﻨﻰ ﺋﺎﻟﺪﯨﺪﯨﻜﻰ ﻏﻪﻧﯩﻤﻪﺗﻨﻰ ﭼﯚﻛﭽﯘﺗﯘﭖ ﻗﻮﻳﯩﺪﯨﻐﺎﻥ “ﺗﻪﺳﯩﺮ“.
ﺋﯘ ﺋﯩﭻ ﺋﺎﻏﺮﯨﺘﯩﺸﻨﻰ ﺑﯩﻠﻤﻪﻳﺪﯗ، ﺋﯘﻧﯩﯖﭽﻪ ﺑﯘﻧﺪﺍﻕ ﭘﻪﺯﯨﻠﻪﺕ ﻣﻪﻧﭙﻪﺋﻪﺕ ﻧﯘﺭﯨﻨﯩﯔ ﺑﯧﺠﯩﺮﯨﻤﻠﯩﻜﯩﮕﻪ ﺋﯧﯟﻩﻥ ﺳﺎﻟﯩﺪﯨﻐﺎﻥ ﮪﺎﻣﺎﻗﻪﺗﻠﯩﻚ.
ﺋﯘ ﺋﯚﺯ-ﺋﯚﺯﯨﺪﯨﻦ ﺧﯩﺠﯩﻞ ﺑﻮﻟﯘﺷﻨﻰ ﺑﯩﻠﻤﻪﻳﺪﯗ، ﺷﯘﯕﺎ ﺋﯘ ﮪﻪﻣﯩﺸﻪ ﻏﺎﻟﯩﭗ.
ﺋﯘﻧﯩﯔ ﺋﯧﺮﯨﺸﻜﻪﻧﻠﯩﺮﻯ ﺧﯩﻴﺎﻟﯩﻲ ﻗﻪﮪﺮﯨﻤﺎﻧﻨﯩﯔ ﮪﻪﻗﯩﻘﯩﻲ ﮪﻪﺳﺮﯨﺘﻰ.
26. ﺋﯘ ﻣﻪﻏﺮﯗﺭ، ﺷﯘﯕﺎ ﺳﯧﻨﯩﯔ ﻣﻪﻏﺮﯗﺭﻟﯘﻗﯘﯓ ﺗﻮﻏﺮﯨﺴﯩﺪﺍ ﯞﺍﻳﺴﺎﻳﺪﯗ.
ﺋﯘ ﺋﺎﻟﺪﺍﻣﭽﻰ، ﺷﯘﯕﺎ ﺳﯧﻨﯩﯔ ﺳﯧﺨﯩﻲ ﺋﻪﻣﻪﺳﻠﯩﻜﯩﯖﺪﯨﻦ ﻛﺎﻳﯩﻴﺪﯗ.
ﺋﯘ ﮔﯘﻧﺎﮪﻜﺎﺭ، ﺷﯘﯕﺎ ﺋﯘ ﺋﯩﺴﺘﯩﻐﭙﺎﺭ ﺋﻮﻗﯘﺷﻨﻰ ﺳﺎﯕﺎ ﻳﯘﻛﻠﻪﻳﺪﯗ
ﺋﯘ ﺋﯚﺯﯨﻨﯩﯔ „ﺳﯩﺮﻟﯩﻖ“ ﻗﯩﻴﺎﭘﯩﺘﯩﻨﻰ ﮪﻪﻣﯩﺸﻪ ﺋﺎﺷﻜﺎﺭﻻﻳﺪﯨﻐﺎﻥ ﮪﻪﯞﻩﺳﻜﺎﺭ.
ﺋﯘ ﺋﺎﻟﻪﻣﺸﯘﻣﯘﻝ ﻣﻪﺳﺨﯩﺮﮔﻪ ﻛﯚﯕﻠﻰ ﺳﯘﻧﻤﺎﺱ ﻗﻪﻳﺴﻪﺭ.
27. ﺳﺎﻻﻡ ﺋﺎﻧﺎ ﺯﯦﻤﯩﻦ!
ﺳﻪﻥ ﺗﻪﺳﻪﯞﯞﯗﺭ ﯞﻩ ﺗﻪﭘﻪﻛﻜﯘﺭ ﻣﺎﻛﺎﻧﻰ، ﺋﯩﻨﺴﺎﻧﻼﺭﻧﯩﯔ ﻣﻪﮪﺒﯘﺩﻻﺭﻧﻰ ﻳﺎﺳﺎﭖ ﭼﯩﻘﯩﺪﯨﻐﺎﻥ ﻧﻪﻗﻘﺎﺷﻠﯩﻖ ﺩﯗﻛﺎﻧﻰ.
ﺳﺎﻻﻡ، ﺋﺎﻧﺎ ﺯﯦﻤﯩﻦ!
ﺳﻪﻥ ﻛﯩﭽﯩﻜﻜﯩﻨﻪ ﺳﻪﻳﻴﺎﺭﻩ، ﺧﯘﺩﺩﻯ ﻣﯧﻨﯩﯔ ﻳﯘﺭﯨﻜﯩﻤﺪﻩﻙ ﻛﯩﭽﯩﻚ ﯞﻩ ﺳﯩﺮﻟﯩﻖ ﻣﯚﺟﯩﺰﻩ.
ﻣﻪﻥ ﻳﺎﻣﻐﯘﺭﻟﯩﺮﯨﯔ ﺑﯩﻠﻪﻥ ﺗﻪﯓ ﻳﯩﻐﻼﻳﻤﻪﻥ، ﭼﯩﭽﻪﻛﻠﯩﺮﯨﯔ ﺑﯩﻠﻪﻥ ﺗﻪﯓ ﻛﯘﻟﯩﻤﻪﻥ.
ﻣﻪﻥ ﺳﯧﻨﯩﯔ ﻏﻪﺭﻩﺯﺳﯩﺰ ﭘﻪﺭﺯﻩﻧﺘﯩﯔ، ﻧﯩﻘﺎﭘﺴﯩﺰ ﺷﺎﮪﯩﺘﯩﯔ.
28. ﺋﯘﻣﯩﺪ – ﺩﯦﯖﯩﺰ ﺳﯘﻳﯩﺪﻩ ﺟﯩﻠﯟﯨﻠﻪﯕﻪﻥ ﺷﻪﭘﻪﻕ ﺷﻮﻟﯩﺴﻰ.
ﺋﯘﻣﯘﺩ – ﺑﯘﺟﻐﯘﻧﻼﺭ ﺋﺎﺭﯨﺴﯩﺪﯨﻦ ﻗﻪﺩ ﻛﯚﺗﯘﺭﯗﭖ ﭼﯩﻘﻘﺎﻥ ﺋﺎﺭﺯﯗ ﭘﻪﺭﯨﺸﺘﯩﺴﻰ.
ﺋﯘﻣﯘﺩ – ﻳﺎﻟﻘﯘﻥ ﺑﺎﻏﺮﯨﺪﯨﻦ ﭘﻪﻳﺪﺍ ﺑﻮﻟﻐﺎﻥ ﺷﻪﭘﻘﻪﺕ ﺋﯩﻼﮪﻰ.
ﺋﯘﻣﯘﺩ – ﻗﻪﻟﺒﯩﯖﺪﯨﻜﻰ ﺑﻮﺷﻠﯘﻗﻼﺭﻧﻰ، ﮪﺎﻳﺎﺗﯩﯖﺪﯨﻜﻰ ﻣﻮﮪﺘﺎﺟﻠﯩﻘﻼﺭﻧﻰ ﺗﻮﻟﺪﯗﺭﯗﭖ ﺗﯘﺭﻏﺎﻥ ﺧﯩﻴﺎﻟﯩﻲ ﺳﯘﺭﻩﺕ.
ﺋﯘﻣﯘﺩ – ﺋﯚﻟﯘﻡ ﺩﻩﺭﻳﺎﺳﯩﺪﯨﻜﻰ ﻧﯩﺠﺎﺩﯨﻴﻪﺕ ﻛﯚﯞﺭﯗﻛﻰ، ﻣﯘﺳﺎﻧﯩﯔ ﻛﺎﺭﺍﻣﯩﺘﻰ.
ﺋﯘﻣﯘﺩﻧﯩﯔ ﮪﻪﺟﯩﻤﻰ ﻳﻮﻗﻠﯘﻕ ﺑﯩﻠﻪﻥ ﺋﺎﺭﺯﯗﻧﯩﯔ ﻗﻮﺷﯘﻟﻤﯩﺴﯩﻐﺎ ﺗﻪﯓ.
ﭘﻪﻗﻪﺕ ﺋﯘﻣﯘﺩﺳﯩﺰﻟﯩﻜﻼ ﮪﺎﻳﺎﺗﻨﯩﯔ ﺳﯘﺭﻩﺗﺴﯩﺰ، ﺷﻮﻟﯩﺴﯩﺰ، ﺯﯨﻨﻨﻪﺗﺴﯩﺰ ﺋﻪﺳﻠﻰ ﮔﻪﯞﺩﯨﺴﻰ.
ﻣﻪﻥ ﺋﯘﻧﯩﯔ ﺑﯩﻠﻪﻥ ﭼﯧﻠﯩﺸﯩﻤﻪﻥ.
29. ﺑﯧﺸﯩﻤﻐﺎ ﺋﺎﻕ ﻗﯩﺮﺍﯞ ﭼﯘﺷﻜﻪﻧﺪﻩ، ﻗﯧﺮﯨﻐﺎﻧﺴﻪﻥ، ﺩﯦﻤﻪ.
ﻳﻮﭘﯘﺭﻣﺎﻗﻠﯩﺮﯨﻢ ﺳﺎﺭﻏﺎﻳﻐﺎﻧﺪﺍ، ﺧﺎﺯﺍﻥ ﺑﻮﻟﻐﺎﻧﺴﻪﻥ، ﺩﯨﻤﻪ.
ﮪﺎﻳﺎﺕ – ﻧﻪﺳﯩﻞ ! ﺋﯘﻧﯩﯔ ﮔﯜﺯﻩﻟﻠﯩﻜﯩﻨﻰ ﭘﻪﺭﺯﻩﻧﺖ ﺋﯧﻠﯩﭗ ﻛﯧﺘﯩﺪﯗ. ﻣﯧﻨﯩﯔ ﮪﺎﻳﺎﺗﯩﻢ ﻳﺎﺧﺸﯩﻠﯩﻘﻼﺭ ﺋﻪﻟﭽﯩﺴﻰ ﺭﺍﻣﺎﻧﯩﯔ ﺋﺎﻟﻪﻣﮕﻪ ﻛﯚﭖ ﺗﯘﻏﯘﻟﻐﯩﻨﯩﺪﻩﻙ ﻛﯚﭖ ﻗﯩﺴﻤﻪﺗﻠﯩﻚ، ﻛﯚﭖ ﺗﯘﺳﻠﯘﻙ. ﺑﯧﺸﯩﻤﻐﺎ ﻗﯩﺮﺍﯞ ﭼﯘﺷﻜﻪﻧﺪﻩ ﻣﻪﻥ ﭘﻪﺭﺯﻩﻧﺘﯩﻤﻨﯩﯔ ﺋﯩﺴﻤﯩﻨﻰ»ﺑﺎﮪﺎﺭ» ﺩﻩﭖ ﺋﺎﺗﯩﺪﯨﻢ. ﺋﯘﻣﯘ ﺋﻪﺳﯩﺮﻟﻪﭖ ﺷﯘﻧﺪﺍﻕ ﺋﺎﺕ ﻗﻮﻳﯩﺪﯗ. ﺋﯩﻨﺴﺎﻧﯩﻴﻪﺕ ﻗﯧﺮﯨﻤﺎﻳﺪﯗ. ﻗﯧﺮﯨﻴﺪﯨﻐﯩﻨﻰ ﺋﯘﻧﯩﯔ ﺑﻮﻏﯘﻥ ﺩﻩﭖ ﺋﺎﺗﺎﻟﻐﺎﻥ ﭘﻪﺳﯩﻠﻠﯩﻚ ﻳﯧﭙﯩﻨﭽﯩﺴﻰ ﯞﻩ ﺋﻪﻟﻪﻣﻠﯩﺮﻯ.
ﻳﺎﻣﺎﻧﻠﯩﻘﻼﺭ ﺩﯨﯟﯨﺴﻰ، ﻗﺎﻗﺎﻗﻠﯩﻤﺎ. ﺋﺎﻟﺪﯨﯖﻐﺎ ﻗﺎﺭﺍ، ﻛﯚﺗﯘﺭﯗﻟﯘﭘﻜﯧﻠﯩﯟﺍﺗﻘﯩﻨﻰ ﺋﺎﻟﻪﻣﻨﯩﯔ ﻧﯘﺭﺍﻧﻪ ﻣﻪﻟﯩﻜﯩﺴﻰ ﯞﻩ ﺋﯩﻨﺴﺎﻧﯩﻴﻪﺗﻨﯩﯔ ﺯﻩﭘﻪﺭ ﻣﻪﺭﻛﯩﺴﻰ.
30.ﺷﻪﺑﻨﻪﻣﻠﯩﺮﯨﻢ ﺗﯚﻛﯘﻟﯘﭖ ﭘﯘﺗﻜﻪﻥ ﺑﯩﺮ ﭘﺎﺭﭼﻪ ﻏﺎﺯﺍﯕﻤﻪﻥ.
ﻛﯚﺯ ﻳﺎﺷﻠﯩﺮﯨﻢ ﺋﯧﻘﯩﭗ ﻗﯘﺭﻏﺎﻥ ﺑﯩﺮ ﭘﺎﺭﭼﻪ ﻣﺎﺭﺟﺎﻧﻤﻪﻥ.
30.09.2016، ﮔﯧﺮﻣﺎﻧﯩﻴﻪ
